يؤرگن هابئرماس

ايتا جه جدی‌ترینِ مودرنیته مودافعان. هابرماس آلمان نازی مئن پیله بوست و هه شرایط اونه افکار رو تأثیر دَشتی.

هابرماس ازدواج بوکوده و سه ته زای دَره.

هابرماسِ نظران

هابرماس فرانکفورتِ دبستانه وابسته‌گی داره و انتقادی نظريهٰ پیش بره. اونِ افکار، منطقِ موکالمه پیدا بوستنِ مئن پور تأثیر داره. هابرماس مودرنیسمِ ستایش‌گر نی‌یه، امّا اونِ اصل و بونه جه دفاع کونه و اَ لحاظِ جه، مارکسِ امره تشابهاتی داره.

هابرماس کی آدورنو شاگرد نی بوانتقادی نظریهٰ تبدیل کونه به ایتا شناخت‌شناسانه برداشت. اونِ پسی، «ارتباطی خرد»ِ موشتولوقه دهه و ارتباطی خرده ایته راه چاره دانه کی رها بوستن و پایانه فارسئنِ امکانه دهه.

هابرماسِ شناخت‌شناسی، مارکسِ مانستن آينده‌نگر ایسه و ایته ده موقعیته ره فیکر کونه و اَ تصورِ جه، خو امروزی بحثانِ مئن استفاده کونه. هابرماس تصورآینده و آدمِ توانايی‌ئن، «علمِ انسانی کودن» و «اجتماعی موناسبتانه عوضأ کودن» و «روشنگری طرح و مودرنیتهٰ کاملأ کودن»ِ خو ذهن مین داره و خأیه خو سهمِ اندی، «دانشه منافعِ جه رها کودن»ِ مئن ایله‌جار برسانه.

او موعتقده کی: نقادی وا فلسفه و علمِ مین جا بگیره.

هابرماسِ جا تانیم پور باموجیم. امّا جه اونِ بخترین درسان، بگوبیشتاو و بحث کودنِ اخلاقه رعایت کودنه. اون فیلسوفان و اندیشمندانِ امره مودام بحث داشتی. اساسی‌ترین نوکته‌ئن مئن، دیگرانِ امره پور اختلاف نظر داشتی. امّا هی‌زماتی، منطقِ موکالمه اوصولِ جه خارج نبوستی. ناروا نسبت فانده و بحثِ مسیره مونحرفأ نوکود. هابرماس همیشک روشنفکرانه اخلاقه رعایت بوکود و حتا خو توندترین احکامِ مئن، کاملن استدلالی عمل بوکود و جومله‌ای ناورد کی شخصی خوصومت یا توهین یا بدنام کودن اونِ مئن بده ببه. اون، پسامودرن فیلسوفانِ امره پور بگوبیشتاو داشتی کی لحظه‌ای اَ تصوره ایجاد نوکود کی تومامِ حقیقت خو ورجا نهه و حریفِ افشا کودنِ وظیفهٰ داره. هابرماسِ بوگوبیشتاوِ روشان، هرچی جه ویشتر نشان دهه کی غربِ مئن، فلسفه چندی پیشرفته‌یه.

هابرماس، شهروندانِ موشارکت کودن بوگوبیشتاوان و سیاسی مسائلِ مئنه دموکراسی دانه و هَه تعریف، اونِ اعتقاده به بوگوبیشتاو و ارتباطی خرد نشان دهه.

هابرماس کیتابان:

• دانش و منفعت
• ارتباط و جامعه تکامول
• نظریه و عمل
• نظریه عمل ارتباطی
• آگاهی اخلاقی و عمل ارتباطی
• سخن فلسفی مدرنیته
• اندیشه ، متافیزیک ِ پس
• متن و زمینه

سربس

مدرنیته و اندیشه انتقادی، بابک احمدی