A Trama: Filme de 1976 dirixido por Alfred Hitchcock
A trama (en inglés: Family Plot) é un filme estadounidense de 1976 de comedia negra e suspense dirixido por Alfred Hitchcock, no seu derradeiro filme como director.
Baséase na novela de 1972 de Victor Canning The Rainbird Pattern, a cal foi adaptada por Ernest Lehman á pantalla. Está protagonizado por Karen Black, Bruce Dern, Barbara Harris e William Devane; estreouse no Festival Internacional de Cinema de Cannes de 1976, mais non participou na competición principal.
| A trama | |
|---|---|
| Ficha técnica | |
| Título orixinal | Family Plot |
| Director | Alfred Hitchcock |
| Produtor | Alfred Hitchcock |
| Guión | Ernest Lehman |
| Baseado en | The Rainbird Pattern de Victor Canning |
| Intérpretes | Karen Black Bruce Dern Barbara Harris William Devane |
| Música | John Williams |
| Fotografía | Leonard J. South |
| Montaxe | J. Terry Williams |
| Distribuidora | Universal Pictures |
| Estrea |  9 de abril de 1976 15 de novembro de 2023 (TVG) |
| Duración | 120 minutos |
| Orixe |  Estados Unidos |
| Xénero | Comedia negra e suspense |
| Orzamento | 4,5 millóns de dólares |
| Recadación | 13 millóns de dólares |
| Na rede | |
           | |
A historia involucra dúas parellas: unha "falsa" psíquica e o seu mozo condutor de taxi, e unha parella de ladróns e secuestradores profesionais. As súas vidas entran en conflito por mor dunha busca dun herdeiro desaparecido. O título do filme é un xogo de palabras: en inglés "Family Plot" pode referirse a unha zona dun cemiterio que foi comprada por unha familia para o enterro dos seus familiares, mais tamén significa unha trama dramática na que participan varios membros da familia.
Estreouse en galego o 15 de novembro de 2023 a través da TVG.
Personaxes
- Karen Black como Fran
- Bruce Dern como George Lumley
- Barbara Harris como Blanche Tyler
- William Devane como Arthur Adamson/Edward Shoebridge
- Cathleen Nesbitt como Julia Rainbird
- Ed Lauter como Joseph P. Maloney
- Katherine Helmond como Mrs. Maloney
- Warren J. Kemmerling como Grandison
- Nicholas Colasanto como Victor Constantine
- Edith Atwater como Mrs. Clay
- William Prince como Bishop Wood
- Marge Redmond como Vera Hannagan
- John Lehne como Andy Bush
- Charles Tyner como Wheeler
- Alexander Lockwood como Parson
- Martin West como Sanger
- Elisabeth Brooks como muller no café
- Carl Byrd como Tenente Peterson (sen acreditar)
Notas
This article uses material from the Wikipedia Galego article A trama, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.