Hiort

Hiort
Bàgh a' Bhaile, Hiort
Suidheachadh
Dùthaich	Alba
Innis-mhuir	Hiort
Co-chomharran	57.8 -8.6
Comharradh-clèithe	NF095995
Feartan fiosaigeach
Farsaingeachd	85 km²
Àireamh-shluaigh	0 (o choinn 1930)
Dlùths	0/km²

Tha na h-eileanan seo, len cuid bhearraidhean is stacan, air àite sìolachaidh cho cudromach ’s a tha air ceann an iar thuath na Roinn Eòrpa airson eòin-mhara. Nuair a dh’fhàg na daoine ann an 1930, thàinig eachdraidh iongantach air tighinn beò gu crìch.

Hiort

Hiort

Dh'fhàg an còigeamh Iarla Bhòid Hiort aig Urras Nàiseanta na h-Alba mar dhìleab ann an 1957. Chaidh a chomharrachadh san aon bhliadhna mar Thèarmann Nàdair Nàiseanta le Glèidhteachas Nàdair (NàdarAlba a-nis). Dìreach mus do chaochail e, dh’aontaich Iarla Bhòid pìos beag fearainn a thoirt air mhàl do Mhinistreachd an Dìon mar stèisean-lorgaidh ràdair airson raon nan urchraichean ann am Beinn na Faoghla ann an Innse Gall.(Chaidh an aonta màil ùrachadh ann an 1976 airson 25 bliadhna eile.)

An-diugh, tha na trì buidhnean seo, Urras Nàiseanta na h-Alba, NàdarAlba agus Ministreachd an Dìon, ag obair ann an co-bhanntachd gus prògram glèidhteachais agus rannsachaidh a leudachadh air na h-eileanan airson a bhith cinnteach gun tèid Làrach Dhualchas na Cruinne a chumail gu math agus a dhìon.

Chaidh Hiort a chomharrachadh iomadh uair aig ìre eadar-nàiseanta airson dualchas agus nàdar air leth.

An dèidh don RAF an t-eilean a' gabhail os làimh ann an 1957, bha Seumas A. MacAoidh na oifigeach-fhoghluim airson a rèiseamaid. Bha e thall air Hiort agus chunnaic e cia mar a bha beatha nam balach a bha an urra ris nan rocaidean an sin. Sgrìobh e alt toil-inntinneach leis an tiotal Hiort an Diugh a chaidh fhoillseachadh ann an GAIRM Leabhar VIII, 1959-60. Rinn e luaidh air alt eile le Tim Weir mu Hiort, a thàinig a-mach ann an Gairm an Earraich,1958.

Tha planaichean ann ionad fiosrachaidh mu dheidhinn Hiort a thogail ann am Mangurstadh ann an Ùig Leòdhais.

Sgrìobh Màrtainn MacGilleMhàrtainn mun chuairt a rinn e do Hiort ann an 1697 anns an leabhar A Late Voyage to St Kilda. Chaidh an leabhar fhoillseachadh ann an 1698.

• Hiort - Urras Nàiseanta na h-Alba Làrach Dhualchas na Cruinne
• Eachdraidh Hiort bho GRD Stòr-dàta
• BBC Naidheachdan 2013-11-20: Adhartas do dh’Ionad Hiort
• BBC Naidheachdan 2014-07-01: Ialtag air fhaicinn ann an Hiort
• BBC Naidheachdan 2015-01-16: Leabhar-là Hiort a’ dol air-loidhne
• BBC Naidheachdan 2015-02-26: Planaichean ionad Hiort gam foillseachadh
• BBC Naidheachdan 2015-08-17: Sgioba snàmh Hiort air na Hearadh a ruighinn
• BBC Naidheachdan 2016-04-07: Dh’eug an Hiortach mu dheireadh
• BBC Naidheachdan 2016-10-28: Leasachadh ann an Hiort
• BBC Naidheachdan 2016-12-29: Cunntas as sine air sluagh Hiort ga lorg