Ceòlas
ʼS e sgoil-chiùil agus chultair na Gàidhlig a th' ann an Ceòlas a tha ʼga cumail ann an Uibhist a Deas timcheall air Sgoil Dhalabrog gach bliadhna bhon a thòisich i ann an 1996.
Ach anns an latha an-diugh tha Ceòlas air fàs gu bhith ʼna Ceòlas Uibhist Earr., fear de na prìomh bhuidhnean chultar agus ealain na Gàidhlig ann an Albainn, a tha aʼ obair agus aʼ cur tachartasan air dòigh fad na bliadhna.
Tha Ceòlas stéidhichte air co-mheasgachadh de dhualchas nan Eileanan Siar, eadar òrain, cheòl, dhannsa agus chànan. Tha e aʼ cur cuideim air taisbeanadh agus oilean a tha aʼ comharrachadh agus agus brosnachadh dualchas Gàidhlig na sgìre, a bharrachd air cheanglaichean ri na Gàidheil thall thairis ann an Ceap Breatainn agus àiteachan eile. Thar fichead bliadhna tha e air pàirt chudromach a ghabhail ann an eaconomaidh Uibhist.
Tha Ceòlas freumhaichte ann an Uibhist a Deas, an sgìre as àirde cuibhreann de luchd-labhairt na Gàidhlig ann an Albainn (Cunntas-sluaigh 2011). Tha an ceòl ʼs an cànan fhathast làidir, agus tha Ceòlas aʼ cuideachadh riʼn comharrachadh agus riʼn caomhnadh. Tha Ceòlas mothachail gur e seo té de na sgìrean mu dheireadh ann an Albainn anns a bheil aʼ Ghàidhlig dha-rìreabh ʼna cànan coimhearsnachd, agus tha e a-nis air Oifigear Leasachaidh na Gàidhlig a fhastadh gus an cànan a chur air adhart.
Duaisean
Chaidh Ceòlas ainmneachadh airson iomadh dhuais urramach, air sgàth na rinn e airson na coimhearsnachd agus an eaconomaidh ann an Uibhist:
- MG Alba, Pròiseact Coimhearsnachd na Bliadhna (Buannaiche 2008)
- MG Alba & Daily Record Duaisean Eadar-nàiseanta na Gàidhlig, airson aʼ phròiseact EOST aig Ceòlas (Crìochaiche 2013)
- Bòrd na Gàidhlig & Daily Record, Aʼ Ghàidhlig mar Bhuannachd dhan Eaconomaidh (Buannaiche 2014)
Ceanglaichean dhan taobh a-muigh
- Ceòlas (làrach-lìn oifigeil)
- BBC Alba Naidheachdan 2015-10-13: Maoineachadh ga dhiùltadh do Cheòlas
- BBC Alba Naidheachdan 2015-12-22: Fèis ùr na Bliadhn' Ùir' ann an Uibhist a Deas
- BBC Alba Naidheachdan 2016-07-11: £500 ga iarraidh bho 500 neach
- BBC Alba Naidheachdan 2016-12-15: £1m do Chnoc Soilleir bho Riaghaltas na h-Alba
- BBC Alba Naidheachdan 2022-06-08: Ceannard ùr aig Ceòlas
- BBC Naidheachdan 2022-09-02: Cnoc Soilleir ga fhosgladh gu h-oifigeil (aithris-bhideo 2:40)
This article uses material from the Wikipedia Gàidhlig article Ceòlas, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Tha an t-susbaint seo ri fhaighinn fo CC BY-SA 4.0 mur eil an caochladh 'ga innse. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Gàidhlig (DUHOCTRUNGQUOC.VN) is an independent company and has no affiliation with Wiki Foundation.