1792: Lannen

v.) pa dékrè répibliken-an di 1793 ki ka enstoré lannen I di lè-a dé Fransé.

• 10 févriyé : koumansman di léripsyon di vòlkan Unzen, o Japon, 15 000 lanmò (léripsyon, glisman di téren, épi tsounanmi 25 mè-a). Li ka tèrminen do kò 22 jwiyé-a.

• 16 févriyé : lanmò di Mulay-el-Yazid dé swit di so blésir-ya aprè ki li té pran Marrakech à so frè Mulay Hicham. Yé frè Mulay Slimane sa proklanmen soultan di Maròk atè Fès (finisman an 1822). Li ka èrté so kò à lostitilité-a di so trwa frè-ya, Mulay Moslana annan nò-a, Mulay Hicham(réjyon di Safi) e Mulay el-Hossaïn (réjyon di Marrakech). Mulay Slimane ka éfòrsé so kò di rikonstitchwé linité-a di Maròk. Aprè ki li établi solidman so lotorité atè Fès, li ka soumèt dabò réjyon montangné-a di Maròk sèptantriyonnal ki tchenbé pa Mulay Moslana, épi ka tòrnen so kò bò'd so Dé ròt frè, ki ka ka konbat yé kò annan sid-a, é ka pran Marrakech an 1796. À lègstéryò-a, li ka raproché so kò di Lafrans annan lèspwè-a d’évité roun entèrvansyon britannik o Maròk é di konjiré ménas tirk-a.