Stúdzjeferiening Skanomodu
Skanomodu is de eardere stúdzjeferiening dy't ferbûn wie oan de stúdzje Fryske Taal en Kultuer (ek wol it Frysk Ynstitút) oan de Ryksuniversiteit Grins.
De stúdzjeferiening waard stifte op 1 juny 2007 en opheft op 1 jannewaris 2015. Sûnt it akademysk jier 2013-2014 waard de stúdzje Frysk fuortset as de bacheloroplieding "Minorities and Multilingualism". Foar dy oplieding is der in nije stúdzjeferiening: Multi.
De stúdzjeferiening hold sa no en dan gearkomsten en organisearre útstapkes foar de leden. De feriening joech oant 2015 fjouwer kear jiers it ferieningsblêd Skanoskrift út.
Namme
De namme fan de stúdzjeferiening komt fan de Skanomodu-munt. In Fryske munt dy't yn Ingelân fûn is.
Skanomodu is Aldfrysk foar skjinne moed.
Opheffing
Yn de lêste jierren fan syn bestean krige de feriening hieltyd minder leden en naam de belangstelling foar de aktiviteiten ôf. Dêrom besleat it lêste bestjoer om de feriening op te heffen. Dêr foar yn 't plak kaam in nije stifting: Stifting Skanomodu. Dy stifting jout in nij Y-skrift (ynternettydskrift) út, mei deselde namme: Skanomodu. Dat Y-skrift gie maart 2015 online en is in nij poadium foar de Fryske kultuer. It rjochet him yn it bysûnder op de jongere generaasjes Friezen.
This article uses material from the Wikipedia Frysk article Skanomodu (stúdzjeferiening), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.