Internazionâl

La peraule e fo creade tal 1789 di Jeremy Bentham. Tal ûs comun al pues vê cuatri significâts:

• alc che al interesse plui stâts o i citadins di plui stâts (par esempli un tratât internazionâl)
• cuant che alc al à validitât ancje fûr dai confins nazionâi
• chescj doi significâts a contegnin in part ancje il tiermin sorenazionâl, che al indiche proceduris o organizazions tra plui nazions diviersis; par esempli, l'Union Europeane e je une organizazion sorenazionâl, no internazionâl

Tai ultins timps, a si dopre ancje la peraule globâl come sinonim di internazionâl. In realtât, e je une difarence: globâl e da une idee di un mont unic, internazionâl di un insieme di plui popui difarents.

Tal sport, internazionâl in gjenar si riferìs a une partide tra dôs scuadris nazionâls.

In politiche, internazionâl e je in gjenar une peraule riferide a cualsisei leghe di organizazion comunistis, socialistis o radicâls, che a metin dongje components di diviers paîs. I plui famôs a son stâts la Prime internazionâl, la Seconde internazionâl o la Internazionâl socialiste; une famose cjançon socialiste e si clame L'internazionâl.

• Relazions e Organizazions internazionâls
• ONU
• Globalizazion