Enzo Bearzot

Al scomençà a zuiâ inte scuadre dal paîs come median-difensôr, par passâ tal 1946 inte Pro Gurize, in serie B; daspò al à zuiât in serie A cun Inter, Catanie e Turin; il miôr risultât de cariere al fo une convocazion in nazionâl.

Finide la cariere di zuiadôr tal 1964, al imparà il mistîr come assistent di Rocco e di Fabbri tal Turin; daspò al jentrà tai cuadris federâi come alenadôr des zovanîls (in chê volte Under 23); daspò al fo promovût a assistent di Valcareggi e in seguit a vice dal so sucessôr, Fulvio Bernardini. Dopo dai mondiâi in Gjermanie dal 1974, al fo nomenât comissari tecnic insieme cun Bernardini, un rapuart durât fin tal 1977 cun tal mieç un faliment intes cualificazion al Europeo dal 1976. Il so lavôr al scomençave a viodisi sei tai mondiâi dal 1978, sei tal Europeo zuiât in Italie tal 1980, finûts ducj e doi al cuart puest. Ma il meracul, che nissun si spietave, al veve di rivâ tai mondiâi in Spagne dal 1982: passant parsore di dutis lis critichis dai gjornaliscj, che no viodevin ben lis sieltis dal ct e no pierdevin ocasion di dâi cuintri, la nazionâl rivà a vinci il titul fasint gjoldi dute la nazion.

Dopo di chest sucès la nazionâl no rivarà a cualificâsi tal 1984 e Bearzot al molà dut, ancje parcè che il mont dal balon al stave gambiant e nol jere plui chel che i plaseve viodi.

Come alenadôr

Nazionâl

• 1969-1974 Italie (selezion semi professionistiche)
• 1969-1975 Italie (under 23)
• 1970 Italie (assistent di Ferruccio Valcareggi dilunc la Cope dal Mont)
• 1974 Italie (assistent di Ferruccio Valcareggi dilunc la Cope dal Mont)
• 1975-1977 Italie (responsabil tecnic cun Fulvio Bernardini)
• 1977-1986 Italie(comissari tecnic)

Palmarés internazionâl

• 1982 Campion dal Mont

(finâl Italie - Gjermanie = 3 - 1)

Club

• 1964-1967 Turin (categoriis inferiôrs)
• 1967-1968 Turin (alenadôr dai portîrs de prime scuadre)
• 1968-1969 Pro Prato AC

Palmarés tai clubs:

• Nissun risultât

Come zuiadôr

Palmarés internazionâl

• 1 presince in nazionâl (27 di Novembar dal 1955, Ongjarie-Italie 2-0)

Club

• 1946-1948 Pro Gurize (Serie B)
• 1948-1951 Inter
• 1951-1954 Catanie
• 1954-1956 Turin
• 1956-1957 Inter
• 1957-1964 Turin

Palmarés tai clubs:

• Nissun risultât