Dialets Slovens Dal Friûl

I prins sclâfs a son rivâts tal VI secul daspò di Crist e Pauli Diacun te Historia Langobardorum, al conte che tal 670 d.d.C. popolazions sclavis a sburtavin par jentrâ in Friûl.

Lis zonis sclavofonis dal Friûl a son:

• La Valcjanâl dulà che tes bandis di Cjampròs, Ugovize, Valbrune, Lusnits e San Leopold al si fevele il zelian, che al è un dialet sloven fradi di chel de valade dal Gail in Carinzie.

• La Val Resie cuntun dialet une vore vieri e diferent di chei altris: il rosean

• Le alte valade de Tor cun Lusèvare, Taipane, Prossenic, Subit, Cjaneule e Val di Faedis dulà che il dialet sloven locâl, o po našin, al à pierdût une vore di teren tai ultims decenis ancje parcè che in provincie di Udin no jerin proviodudis dal stât talian, formis di tutele.

• Lis Valadis dal Nadison dulà che il tipic dialet nadisonian al è une vore vitâl a Pulfar, Savogne di Udin, San Pieri dai Sclavons, Grimàc, Drencje e Sant Lenart.

• Il Cuei cui paîs di Prepot, Dolegne, Scriò, Subid

• Il Cjars che de basse orientâl gurizane al continue fûr dal Friûl storic cjapant dentri dute la provincie di Triest.

• Minorance slovene
• Lenghis dal Friûl

Lis Lenghis dal Friûl

Lenghe furlane Dialets slovens dal Friûl: Rosean | Nadisonian | Zelian | Dialet de Tor (Po našin) Dialets todescs dal Friûl: Sauran | Timavês | Sapadin Dialets venits dal Friûl: Dialet udinês | Dialet graisan | Dialet venit di Pordenon | Dialet maranês | Bisiac