Arrigo Poz

Zà di piçul si trasferis cu le famee a Bicinins.

Autodidate di formazion, dal 1946 al frecuente par cinc agns al studi di Bepi Zigaina (Giuseppe Zigaina), che lu fas jentrà tal ambient dal neorealism furlan partecipant ai incuintris fâs dai zovins inteletuâi furlans fâs in vicûl Florio a Udin.

Le so opare e va de piture a vueli al afresc, dal mosaic al incision e a lis vetradis, il dut venât di un profont sintiment religjôs e uman. Pe Basiliche de Madone des Graciis a Udin Poz al à fât il monument in memorie des vitimis dal Taramot dal 1976 in Friûl e “Le famee”, un grant ex voto dal 1997, ancje al Crist di San Josêf in vial Vignesie e le capele te glesie des muinis dal Sant Cûr di vie Roncjs.

Une vore siore le produzion di vetradis viodibilis in dut il Friûl te parochiâls di Bertiûl, Bordan, Maran, Mortean, Percût, San Zuan dal Nadison, Sedean. Atris sôs oparis in motîf religjôs e son al Templi di Cjargnà, te parochiâl di Lignan, tal santuari di Sant’Antoni e in altris glesiis di Glemone. Poz al à ilustrât volums di poesiis e scrits di Novella Cantarutti, Elio Bartolini e Carlo Sgorlon. A le sò opere a iè dedicade le grande mostre retrospettive “Arrigo Poz. Nel cuore della storia del Friuli” (2010).

•  
  Le Madone dal batifiâr - Edicule votive Risan
•  
  Al Agnûl Gabriel al sune le trombe dal judisi universâl - Monument funerari Risan
•  
  Le resurezion - Monument funerari Risan
•  
  In memorie de vitimis dal teremôt - Parêt di 60 mq. afrescjade e multimaterial - Glesie de Madone des Graciis Udin