Isa Yuguda Bauchi
Ɗuun danyiimo lewru 15 june dungu 1956 e gelle Yuguda, ɗun ɓii fulɓe jowlɓe bo.
Isa Yuguda
O meeɗi wadgo gomnaajo diiwal Bauchi, lesdii Naajeeriya diiga dungu 2007 yaarii 2011 ardaaki ndee ɗiɗi. O waɗi ministaajo jahaale lesdii Naajeeriya les ardoogal Olusegun Obasanjo hiitaade 2000. O nasty jam'iyyaji siyaasa Naajeeriya ɗuɗɗi, o waɗi ANPP, PDP be APC.
Njande Maako (Education)
O njangi e janngirde Fuuna-wayla Naajeeriya nde innde Arts and science e gelle Maiduguri dungu (1974-1976), e dungu 1976 yaarii 1979 o yahii njangirde jaami'awa lesdii Naajeeriya nga gelle Zaria nga Innde janngirde Ahmadu Bello University ɗon o njangi ilmu ndongidirkii leddi (Economics). O hawti degree maako ɗiɗarjum e jaami'awa lesdii Naajeeriya nga gelle Jos diiwal Plateau nga Innde University Of Jos e dungu 1998.
Kuugal Artuugal
O waɗi kakkilono wo banki ji ɗuɗɗi hanko woni Manajaajo bankii ji ɗin nangi diiga Banki Mortage bank dungu(1981-1984), Savannah bank e dungu(1986-1987), Inland bank e dungu(1991-1992) yaarii NAL merchant bank e dungu(1999-2000).
Ministaajo e lesdii Naajeeriya
Jagordo shubtaaɗo ardiiɗo Lesdii Naajeeriya koden Olusegun Obasanjo innimo bo lattinii mo hanko woni ministaajo jahaale lesdii Naajeeriya e hiitaade 2000. Ɓawo ɗob ɓe wattanii mo kujeerawal o wuiti ministaajo jahaale piirooji/jirgiwal dungu 2003.
Gomnaajo Diiwal Bauchi
O lattake jagordo shubtaaɗo ardotooɗo diiwal Bauchi e lewru aprilu, dungu 2007 les jam'iyya ANPP ka siyaasa Naajeeriya. O heɓi nasaraaku dow hebgo adadow yimɓe cuɓuɓe mo yaarii 771,503 ɗon o do'ii tefooɓe ardoogal gal ɓe jam'iyya ji CPC be ACN.
Iyaaluji maako (Family)
O wodi rewɓe nnayo (4 wifes), hajiya Aisha Isah Yuguda, Hajiya Hauwa Abiodun Isah Yuguda, Hajiya Mariya Isah Yuguda be Hajiya Nafisa Isah Yuguda. Hajiya Nafisa hanko woni ɓii ardiiɗo Lesdii Naajeeriya Umaru Musa Yar'Adua. Hajiya Mariya bo ɓii Senatajoo Ahmadu Danyami.
Jam'iyya maako ka Siyaasa
O waɗi ANPP, ɓawo ɗon o warti PDP nden boh e dungu 2016 o wanginii anniya maako dow o wartai jam'iyya APC ka siyaasa Naajeeriya less ardoogal Muhammadu Buhari kooden.
Hiimoɓe
This article uses material from the Wikipedia Fulfulde article Isa Yuguda Bauchi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Fulfulde (DUHOCTRUNGQUOC.VN) is an independent company and has no affiliation with Wiki Foundation.