El Valli del Xerti es una comarca estremeña assitiá nel estremu nororental dela provincia de Caçris i arraya al norti conas provincias d'Ávila i Salamanca, al oesti con el Valli d'Ambrós, pol sul cona ciá de Prasencia i al esti cona comarca La Vera.
Valli del Xerti | ||
---|---|---|
Entidad subnacional | ||
| ||
Ubicación de Valli del Xerti | ||
Coordenadas | 40°08′23″N 5°52′50″O / 40.13972222, -5.88055556 | |
Entidad | Mancomunidá y Sitio histórico | |
• País | España | |
Superficii | ||
• Total | 373 km² | |
Puebración (2015) | ||
• Total | 11123 hab. | |
• Densidá | 29,82 hab/km² | |
El Valli del Xerti hue conocíu hata'l últimu terciu del sigru XX comu Valli de Prasencia. Es alos árabis a quienis se debi el topónimu del ríu i, polo tantu, tamién el dela comarca. El idrónimu Xerit se presta a un dobli entrepeteu etimológicu, bien comu "ríu estrechu", bien comu "ríu cristalinu". Desta grafía más antigua el topónimu Xérit, s'á tomau el gentiliciu cultu: Valxeritensis, que s'alterna nel su usu conos más comunis de xerteñus, vallensis, u vallixerteñus.
El Valli del Xerti está hormau pol onci monicipius, agrupaus ena Mancomunidá de Monicipius del Valli del Xerti i que se repartin de horma desigual la puebración vallensi, hormá pol alreol de 13.000 abitantis: Barrau, El Tornu, Rebollal, Casas del Castañal, Cabreri, Piornal, Valdastillas, Navaconceju, Cabeçuela del Valli, Xerti i Tornavacas.
Án desapaiciu algotras puebracionis qu'alo largu dela estoria tamién hormarun parti del conjuntu de monicipius: Asperilla, Osalvu, Peñahorcá, Vadillu i Tabaris.
Al suloesti s'alcuentra la ciá de Prasencia, que si bien no horma parti físicamenti del propiu Valli, á siu tradicionalmenti considerá comu la su cabeça, i ogañu entovía tien un importanti pesu específicu en cuantu a servicius i comu ñúu de comunicacionis.
Nel Valli del Xerti se palra la modalidá d'estremeñu llamá valxeritensi pol angunus envestigaoris localis.
This article uses material from the Wikipedia Estremeñu article Valli del Xerti, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El testu está disponibri baju la Licéncia Creative Commons Attribution/Share-Alike; cláusulas adicionalis puén apricalsi. Guipai Terms of Use pa conocel más detallis. Güiquipeya es una marca rustria la Wiki Du học, una olganización sin ánimu de lucru. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Estremeñu (DUHOCTRUNGQUOC.VN) is an independent company and has no affiliation with Wiki Foundation.