Alexander Pitxuxkin (errusieraz: Александр Пичушкин); Mytistxi, Sobietar Batasuna, 1974ko apirilaren 9a - ) Mailuaren hiltzailea -horrela hil ohi zuen- edo Xakearen asasinoa -xake-taulak dituen koadro kopurua (64) berdindu nahi omen zuen hildakoekin- deitu zitzaion errusiar serie-hiltzailea da.
1992tik 2006ko ekainean harrapatu zuten arte, berak 61 zirela esaten bazuen ere, 49 pertsona hiltzeaz salatu zuten.
| Alexander Pitxuxkin | |
|---|---|
| Bizitza | |
| Jaiotza | Mytistxi, 1974ko apirilaren 9a (50 urte) |
| Herrialdea |  Errusia  Sobietar Errepublika Sozialisten Batasuna (1974ko apirilaren 9a - 1991ko abenduaren 26a) |
| Bizilekua | Mosku |
| Hezkuntza | |
| Hizkuntzak | errusiera |
| Jarduerak | |
| Jarduerak | serieko hiltzailea, estibatzailea eta joiner (en)  |
| Lantokia(k) | Bitsa Park (en) |
  | |
Pitxuxkinek Moskuko janari denda batean egiten zuen lan. 1992an, hasi zen, jada, hiltzen. 18 urte besterik ez zuen ikaskide bat erail zuenean, estoldatik behera botaz, bere hiltzeko asmoetan ez ziolako lagundu.
Era berean, eskale bat eraikuntza batetik behera bota zuela aitortu zuen.
Hortik aurrera, Pitxuxkinek behin eta berriro egin zituen erasoak eta, 2001era arte, ez zuten dena asasino bakar baten lana izan zitekeen susmoa izan.
Pitxuxkinen modus operandia beti zen berdina: biktima engainatzen zuen eta mailuz hiltzen zuen. Zenbaitetan, eskaleren bat garagardo edo vodka bat edatera gonbidatzen zuen, mozkortzeko xedean. Emakumeekin zitak ere egin ohi zituen edo lankideekin, zerbait hartzera gonbidatu eta gero, erailtzen zituelarik.
2006ko ekainaren 16an hartu zuten atxilo Pitxuxkin, bere Moskuko etxean. Bere biktimetako baten etxean, hiltzailearen datuak zeuden, semeari mezua utzi ziolako, hark jakin zezan nora joan zen. Hantxe agertu ziren idatzita Pitxuxkinen izena, telefonoa eta abar. Ez zuen trabarik jarri eta segituan aitortu zuen dena.
Etxean, xake-taula bat zuen eta, biktimak hil ahala, txanpon bat ezarriz joan zen laukietan. 61 zeuzkan okupatuta, baina fiskalak ez zuen 49 besterik frogatzerik lortu.
Xakearen hiltzaileak, errekorra hautsi nahi omen zuen, Errusiako hiltzaile handienari irabaziz. Andrei Txikatilo zen hori, 1994an, 53 nerabe eta ume hiltzeagatik heriotza-zigorrera kondenatu eta exekutatu zutena.
2007ko irailaren 10ean, Pitxuxkinen aurkako epaiketa hasi zen; biktimen familiak hantxe agertu ziren, erasotzeko asmoz, baina blindatuta zegoen kubo batean agertu zuten jendaurrean. 48 hilketa leporatu zizkioten eta beste 3 saiakera ere bai eta errudun aurkitu zuten. 2007ko urriaren 29an, sententzia konfirmatu eta bizitza osorako kartzela-zigorra esleitu zioten Pitxuxkini.
Datuak: Q317496This article uses material from the Wikipedia Euskara article Alexander Pitxuxkin, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.
