Una Sull'altra
C'l artìcul chè 'l è scrit in Miranduléś
Miranduléś Una sull'altra | ||
 La Martinelli e la Mell in na figùra dal film | ||
| Una su cl'atra 1969 | ||
|---|---|---|
| Regìa: Lucio Fulci | ||
| Scritōr: Lucio Fulci • José Luis Martínez Mollá Roberto Gianviti • Massimo Castellani Franco Ferrari • Massimo Franciosa | ||
| Atōr: Jean Sorel • Marisa Mell • Elsa Martinelli Alberto de Mendoza • John Ireland • Bill Vanders George Rigaud • Franco Balducci • Lucio Fulci Riccardo Cucciolla • Giuseppe Addobbati Jesús Puente • Faith Domergue • Félix Dafauce | ||
| Müsica: Riz Ortolani | ||
| Léngua: Itagliàṅ • Ingléś • Francéś | ||
| Dürä dal film: 99 minüt | ||
| Nasiōṅ: Itàglia • Frància • Spaggna | ||
Una sull'altra (Una su cl'atra) 'l è 'n film śal eròtic dal 1969 ad Lucio Fulci cun dèntar dal séni lèśbo fra la Marisa Mell e l'Elsa Martinelli.
La pelìcula, vietàda a i minōr ad daśdòt an e custàda in alóra quatarsènt-sinquantamìla franc a 'l incìrca, quànd l'è vgnuda fóra l'à fat scàndal tant ch'l'è anc stada sequestràda par far-'g-an di taj esénd batśàda cuma „spetàcul schivóś“.
Sunt
George Dummurrier (Jean Sorel) 'l è 'n cirùśig americàṅ ch'al gh'à na clìnica a San Francisco ch'al pòrta avànti, in un mâr ad dèbit, cun 'l ajùt ad sò fradèl Henry (Alberto de Mendoza). Al sò matrimòni cun la Susan (Marisa Mell), malàda 'd aśma, 'l è in criśi parchè lò al pénsa sōl a 'l lavōr e a la sò amànta futógrafa, la Jane (Elsa Martinelli).
Na nòt la Susan la vîṅ catàda mòrta in cà e 'l mèdag, che quànd l'è sucèsa cla daśgràsia lè 'l éra via, al vîṅ a savēr 'd ès'r al benefisiàri dn'asicurasiòṅ su la vita 'd sò mujēr 'd un migliòṅ ad dòlar, bèsi ch'i gh fànan còmad par salvàr la sò clìnica. Adès ch'l è lìbar al pōl finalmènt dedicàr al sò tèmp a la Jane ma na sira, méntar 'l è in un night sèg, al fà a mènt a na balarìna ciamàda Monica Weston (Marisa Mell) ch'l'è cumpàgna a la Susan a part al culōr di òć, vérd e minga maròṅ, e di cavìi, biónd e minga scûr. Pinsànd ch'la pòsa anc èsar sò mujēr, 'l óm al s fà dar al sò nùm'r ad telèfun, pò al gh la cava anc a pasàr na nòt a lèt sèg sénsa savēr ch'al gh'à 'n agìnt dl'asicurasiòṅ ch'al gh tîṅ adrē.
Quànd la pulisìa, faghénd di eśàm su 'l cadàvar dla sgnōra Dummurrier, la capìs ch'l'è mòrta par via dal curâr in dal còrp, al dutōr al finìs in di guàj, par lò la cambra a gas la s davśìna.
Culegamènt estéran
This article uses material from the Wikipedia Emiliàn e rumagnòl article Una sull'altra, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.