Qualcosa È Cambiato
C'l artìcul chè 'l è scrit in Miranduléś
Miranduléś As Good as It Gets | ||
| Qualcosa è cambiato | ||
 Jack Nicholson in na figùra dal film | ||
| Quèl 'l è cambiâ 1997 | ||
|---|---|---|
| Regìa: James L. Brooks | ||
| Scritōr: Mark Andrus • James L. Brooks | ||
| Atōr: Jack Nicholson • Helen Hunt • Greg Kinnear Cuba Gooding Jr. • Skeet Ulrich • Shirley Knight Yeardley Smith • Lupe Ontiveros • Bibi Osterwald Bernadette Balagtas • Brian Doyle-Murray | ||
| Müsica: Hans Zimmer | ||
| Léngua: Ingléś | ||
| Dürä dal film: 139 minüt | ||
| Nasiōṅ: Stat Unî | ||
Qualcosa è cambiato (Quèl 'l è cambiâ) l'è na cumèdia dramàtica americàna dal 1997 ad James L. Brooks. I dū prutagunìsta dal film, Jack Nicholson e l'Helen Hunt, i aṅ vins al Prèmi Òscar cuma atōr prutagunìsta.
Custâ sinquànta migliòṅ ad dòlar, al film al 'n à fat pò fat sù da piò ad tarśènt-quatórdas.
Sunt
Melvin Udall (Jack Nicholson) 'l è 'n scritōr ad rumànś ròśa ch'l à fat strada. Al viṿ a New York, al gh'à sèmp'r al mûś e 'n brut caràtar, 'l è 'n put sulitàri e malmustóś rasìsta ch'al dà sèmp'r adòs a i négar, a gl'ebrèj, a 'l vćini, a i caṅ e a i fnòć cuma 'l sò vśèṅ 'd cà Simon Bishop (Greg Kinnear) ch'al fà 'l pitōr e 'l gh'à 'n caṅ ciamâ Verdell.
La Carol Connelly (Helen Hunt) la fà la camaréra in dal bar in du Melvin al và a magnàr tut i dè purtànd-'s adrē di cuciàr, dal fursìni e di curtèi ad plàstica parchè al gh'à paùra a druàr qvéli 'd chi àtar. Un dè la ragàsa, ch'la gh'à 'n putèṅ pìcul da tiràr sù da par lē, la n và minga a lauràr parchè sò fiōl 'l è malâ e Melvin, ch'al gh'à biśógn ad lē parchè a gh sia una ch'la pòsa scultàr tut al cativèri ch'al diś, al decìd ad mandàr-'g al sò dutōr persunàł par guarìr al baghét.
In cal méntar Simon, ch'l è ardùt mâł p'r un prubléma fìśic e anc in buléta parchè al gh'à da pagàr-'s i mèdag, al finìs in depresiòṅ. Su cunsìli dal sò amìg galerìsta Frank Sachs (Cuba Gooding Jr.), 'l óm al partìs par Baltimòra p'r andàr a dmandàr di bèsi in prèst a i sò genitōr. I gh vànan sèg anc Melvin e la Carol e al viàś 'l è l'ucaśiòṅ par far-i davśinàr da piò e par far dvintàr più gustóś cal bruntlòṅ ad Melvin.
Culegamènt estéran
This article uses material from the Wikipedia Emiliàn e rumagnòl article Qualcosa è cambiato, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.