Matrix Reloaded
C'l artìcul chè 'l è scrit in Miranduléś
Miranduléś The Matrix Reloaded | ||
| Matrix Reloaded | ||
 La Monica Bellucci in na figùra dal film | ||
| Matrìś cargàda 'd nóṿ 2003 | ||
|---|---|---|
| Regìa: Lana Wachowski • Lilly Wachowski | ||
| Scritōr: Lana Wachowski • Lilly Wachowski | ||
| Atōr: Keanu Reeves • Laurence Fishburne Carrie-Anne Moss • Hugo Weaving • Nona Gaye Monica Bellucci • Lambert Wilson • Gloria Foster Helmut Bakaitis • Jada Pinkett Smith • Ian Bliss | ||
| Müsica: Don Davis | ||
| Léngua: Ingléś • Francéś | ||
| Dürä dal film: 138 minüt | ||
| Nasiōṅ: Stat Unî | ||
Matrix Reloaded (Matrìś cargàda 'd nóṿ) 'l è 'n film fantàstic 'd asiòṅ americàṅ dal 2003 di Fradèi Wachowski, la Lana e la Lilly, ch'i 'l aṅ anc scrit. 'L à muciâ sù dagnóra setsènt-quarànta migliòṅ ad dòlar a frònt 'd un budget ad 127/150 migliòṅ e 'l è stâ preśentâ fóra cuncōrs a 'l 56śum Fèstival ad Cannes.
In dla culòna sunóra dal film, curàda par Don Davis, i s càtan di pès di Marilyn Manson (This Is the New Shit), ad Rob Zombie (Reload), di Deftones (Lucky You) e di Rage Against the Machine (Calm Like a Bomb).
La pelìcula, séguit ad Matrix dal 1999, l'è la secónda part dna trilugìa ch'la finìs cun Matrix Revolutions, sèmpar dal dal 2003.
Sunt
Neo (Keanu Reeves), insém a la sò amànta Trinity (Carrie-Anne Moss), a Morpheus (Laurence Fishburne), a la Niobe (Jada Pinkett Smith) e a Link (Harold Perrineau Jr.), al gh'à da prutéśàr la sità abitàda da gl'umàṅ 'd Zion, lugàda sót-tèra par difénd'r-as da 'l màchini.
Dòp na lòta cun 'l agìnt multiplicâ in mila Smith (Hugo Weaving), Neo al dascór cun l'Uràcul (Gloria Foster) ch'la gh diś ch'al gh'à d'andàr vèrs la surgìnt e ch'al gh'à biśógn ad catàr 'l óm ch'l è bòṅ 'd andàr dènt'r a i segrét dla Matrìś, al Fabricadōr ad ciàṿ (Randall Duk Kim). Chi lò 'l è parśunēr dal Meruvìnǵ (Lambert Wilson) e 'd sò mujēr Perséfuna (Monica Bellucci), dū prugràma dla vècia versiòṅ dla Matrìś.
Culegamènt estéran
This article uses material from the Wikipedia Emiliàn e rumagnòl article Matrix Reloaded, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.