C'l artìcul chè 'l è scrit in Miranduléś
La Loredana Cannata (Ragùśa, 14 ed lói dal 1975) l'è n'atōra sicigliàna.
L'è vegàna e la s bat p'r i dirìt dal bèsti e di pòvar zapatìsta dal Mèsic.
La Loredana Cannata, dòp avér studiâ art dramàtica, la taca a lauràr a teàtar faghénd soquànt òpri ad Luigi Pirandello, 'd Euripide e 'd Arthur Schnitzler. In dal 1999 la fà 'l sò debùt a 'l cìnema in dal film 'd Aurelio Grimaldi La donna lupo in dua la s cava śò da spés par far la part dna magna-óm. In séguit la lavóra incóra par Grimaldi in Un mondo d'amore e pò par Tinto Brass in Senso '45 insém a l'Anna Galiena e a Gabriel Garko. In chi an lè la taca anc a recitàr da spés in dal fiction televiśìvi cuma Il bello delle donne e Un caso di coscienza.
In dal 2008 la tórna a 'l cìnema par far l'agìnta Maria Berti in dal film Albakiara, pelìcula impinìda 'd canti 'd Vasco Rossi. I sò dū ùltim film i èṅ 'd aṿtōr: Magnifica presenza ad Ferzan Özpetek e Youth - La giovinezza ad Paolo Sorrentino.
This article uses material from the Wikipedia Emiliàn e rumagnòl article Loredana Cannata, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.