Lo Specchio Scuro
C'l artìcul chè 'l è scrit in Miranduléś
Miranduléś The Dark Mirror | ||
| Lo specchio scuro | ||
 L'Olivia de Havilland in na figùra dal film | ||
| Al spèć scûr 1946 | ||
|---|---|---|
| Regìa: Robert Siodmak | ||
| Scritōr: Vladimir Pozner | ||
| Atōr: Olivia de Havilland • Lew Ayres • Lester Allen Richard Long • Thomas Mitchell • Charles Evans Garry Owen • Lela Bliss • Jack Cheatham Lane Chandler • Ben Erway • Bess Flowers | ||
| Müsica: Dimitri Tiomkin | ||
| Léngua: Ingléś | ||
| Dürä dal film: 85 minüt | ||
| Nasiōṅ: Stat Unî | ||
Lo specchio scuro (Al spèć scûr) 'l è 'n film noir dal 1946 ad Robert Siodmak girâ in biànc e négar. La sò senegiadùra uriginàla, scrita par Vladimir Pozner, l'è stada candidàda a i Prèmi Òscar dal 1947.
La prutagunìsta Olivia de Havilland la fà 'l part dal dū śmèli, la Terry e la Ruth.
Sunt
La Terry e la Ruth Collins (Olivia de Havilland) i èṅ dū śmèli cumpàgni in d'l aspèt ma minga in dal caràtar. La prima l'è fréda, furba stramaladìda e l'è bòna ad far bèṅ i sò cont su tut, la secónda invéci l'è dólsa e la lasa andàr i quèi sénsa mét'r-ag bèc. Quànd la pulisìa la pésca una dal dū, parchè parsuàsa ch'l'àppia masâ un dutōr tirànd-ag na scurtlàda in dal cōr, la s cata in di guài parchè la n è minga bòna ad tōr qvéla giùsta.
Al tenènt Stevenson (Thomas Mitchell) al gh'à da 'ndàr-'g a fónd e par far-al al ciàma in ajùt al psicanalìsta Scott Elliott (Lew Ayres), ch'al taca a far-ag dal dmandi tri vòlti a la stmana, cun anc di test ad Rorsharch. C'n al tèmp però al dū dóni i s lìgan dimóndi a 'l dutōr e anc chi lò al taca a inamuràr-as dla Ruth. Sò surèla, da sèmpar gelóśa 'd lē, la fà in manéra ad cuciàr-la vèrs al suicìdi, cuntànd-ag la bala ch'la taca a 'vér-ag di ségn ad matéria.
Par savér pò cuśa 'l pénsa 'd lē Scott la và na sira a cà sua faghénd finta 'd èsar la sò śmèla. Mént'r i dū i dascóran, a riva na telefunàda: 'l è Stevenson ch'al gh diś che la Ruth la s è cupàda dabòṅ.
Culegamènt estéran
This article uses material from the Wikipedia Emiliàn e rumagnòl article Lo specchio scuro, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.