C'l artìcul chè 'l è scrit in Miranduléś
Hulk | ||
Eric Bana e la Connelly in na figùra dal film | ||
id. 2003 | ||
---|---|---|
Regìa: Ang Lee | ||
Scritōr: James Schamus • Stan Lee Jack Kirby • John Turman • Michael France | ||
Atōr: Eric Bana • Jennifer Connelly • Nick Nolte Josh Lucas • Sam Elliott • Cara Buono Kevin Rankin • Celia Weston • Lou Ferrigno | ||
Müsica: Danny Elfman | ||
Léngua: Ingléś • Spagnōl | ||
Dürä dal film: 138 minüt | ||
Nasiōṅ: Stat Unî |
Hulk (id.) 'l è 'n film fantàstic americàṅ dal 2003 'd Ang Lee trat da 'l persunàǵ di fumét dla Marvel Comics creâ in dal 1962 par Stan Lee e par Jack Kirby.
Anc s'l à purtâ a cà da piò ad duśènt-quarantasìnc migliòṅ ad dòlar a frònt 'd un cóst ad sènt-trentasèt, al n à minga abû al sucès ch'a s pinsàva, dònca in dal 2008 'l è stâ arfàt ad nóṿ c'n al tìtul ad L'incredibile Hulk cun Edward Norton ch'l à tòlt al pòst da prutagunìsta 'd Eric Bana. In dal film i s pōlan védar i camèo ad Lou Ferrigno, al culturìsta ch'al fava Hulk in dla serìe televiśìva di an Utànta, e ad Stan Lee. Par la culòna sunóra dal film, i Velvet Revolver i aṅ scrit la canta Set Me Free.
Bruce Banner (Eric Bana), risercadōr vàlid in dal camp dal siénsi genètichi, al lavōra a di esperimènt in sal nanutecnulugìi in un laburatòri dal guèr'n americàṅ insém a la sò ex muróśa Betty (Jennifer Connelly), fiōla dal generàl Ross (Sam Elliott) dit “Thunderbolt”. Al ragàs al stà sèmpar da par lò e al fà fadìga a tgnir a bada la sò arlìa.
Un dè al patìs 'n incidènt in laburatòri e al finìs a cuntàt cun di raś gama. Invéci ad murìr però al s la cava bèṅ, a na prima uciàda, ma quànd al s arlìa al dvènta 'n móstar vérd ciamâ Hulk ch'al pénsa sōl a śbragàr incòsa e a dar adòs a tut qvéi ch'i gh s métan cóntar.
This article uses material from the Wikipedia Emiliàn e rumagnòl article Hulk (film), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.