Florinda Bolkan

La Florinda Soares Bulcão, cgnusùda méj c'n al nóm 'd art ad Florinda Bolkan (Uruburetama, 15 ad Favràr dal 1941), l'è n'atōra braśigliàna vinsidōra ad tri Dàvid ad Dunatèl. La lavóra in dal cìnema e anc p'r al fiction televiśìvi.

Biugrafìa

Fiōla 'd un deputâ e anvōda 'd un religióś, la Bolkan la taca a lauràr faghénd l'hostess par na cumpagnìa 'd aparéć braśigliàna. In cla manéra chè la gh'à la manéra 'd imparàr bèṅ al léngui cuma 'l Itagliàn, al francéś e 'l ingléś. In dal 1968 la cuntésa Marina Cicogna, prudutōra ad film, la gh buta i òć adòs e la s la pòrta in vacànsa a Ìschia (i vìv'raṅ insém p'r óltar vint an) cuciànd-la pò in dal mónd dal jet-set. Sò cuśèṅ Luchino Visconti al gh'à na part pìcula in dal sò film La caduta degli Dei (La cascàda di Dio). Sèmp'r in dal 1969 l'è la prutagunìsta dal film Metti, una sera a cena (Mét, na sira a séna), insém a Jean-Louis Trintignant, a Tony Musante e a l'Annie Girardot, ch'a gh fà vìnsar na “Targa 'd òr” a i Dàvid ad Dunatèl.

In dal 1970 la fà l’Augusta Terzi in dal film Indagine su un cittadino al di sopra di ogni sospetto (Indàśin su 'n sitadèṅ ad sōv'r ad tut i suspèt) 'd Elio Petri, na pelìcula ch'la s pòrta a cà 'l Prèmi Òscar p'r al film furastér e al prèmi speciàł dla giurìa a 'l 23śum Fèstival ad Cannes, e pò la rècita in di film Una stagione all'inferno (Na stagiòṅ a 'l Infèran), film ch'al dascurìva dal puvéta Arthur Rimbaud, e Anonimo veneziano (Venesiàṅ anònim). 'L an dòp la taca la sò culaburasiòṅ cun Lucio Fulci tulénd part a Una lucertola con la pelle di donna (Un nigrōl cun la pèl ad dóna) ch'la cuntìnua in dal 1972 cun Non si sevizia un paperino (A n s pōl minga far dal mâł a 'n pavarèṅ) in dua la fà la “Maciara” e la lavóra insém a Tomas Milian e a la Barbara Bouchet.

In dal 1975 'l è 'l tùr'n ad Flavia, la monaca musulmana mént'r in dal 1976 l'è impgnàda in Il comune senso del pudore (Al sèns cumùṅ dal pudōr) 'd Alberto Sordi. In di an Utànta la gira manc pelìculi, sōl sèt, al più impurtànti i èṅ Acqua e sapone (Àqua e savòṅ) ad Carlo Verdone dal 1983 e La gabbia (La gàbia) ad Giuseppe Patroni Griffi dal 1986.

Dòp avér fat la regìsta dal film inèdit in Itâglia Eu Não Conhecia Tururu, in dal 2003 la tórna a recitàr in dal thriller ad Pierfrancesco Campanella Cattive inclinazioni (Inclinasiòṅ catìvi) cun l'Eva Robin's, l'Elisabetta Cavallotti e la Mirca Viola.

Filmugrafìa

• 1968 - Candy e il suo pazzo mondo, regìa ad Christian Marquand
• 1968 - Le voleur de crimes, regìa dla Nadine Trintignant
• 1968 - Una ragazza piuttosto complicata, regìa ad Damiano Damiani
• 1968 - Gli intoccabili, regìa ad Giuliano Montaldo
• 1969 - La caduta degli Dei, regìa ad Luchino Visconti
• 1969 - Un detective, regìa ad Romolo Guerrieri
• 1969 - Metti, una sera a cena, regìa ad Giuseppe Patroni Griffi
• 1970 - Indagine su un cittadino al di sopra di ogni sospetto, regìa 'd Elio Petri
• 1970 - Una stagione all'inferno, regìa ad Nelo Risi
• 1970 - Anonimo veneziano, regìa 'd Enrico Maria Salerno
• 1970 - L'ultima valle, regìa ad James Clavell
• 1970 - E venne il giorno dei limoni neri, regìa ad Camillo Bazzoni
• 1971 - Incontro, regìa ad Piero Schivazappa
• 1971 - Una lucertola con la pelle di donna, regìa ad Lucio Fulci
• 1972 - Cari genitori, regìa 'd Enrico Maria Salerno
• 1972 - Non si sevizia un paperino, regìa ad Lucio Fulci
• 1972 - Un uomo da rispettare, regìa ad Michele Lupo
• 1972 - Le droit d'aimer, regìa ad Eric Le Hung
• 1973 - Una breve vacanza, regìa ad Vittorio De Sica
• 1974 - Le orme, regìa ad Luigi Bazzoni
• 1974 - Il montone infuriato, regìa ad Michel Deville
• 1975 - Flavia, la monaca musulmana, regìa ad Gianfranco Mingozzi
• 1975 - Quel rosso mattino di giugno - attentato a Sarajevo, regìa ad Veljko Bulajić
• 1975 - Royal Flash, regìa ad Richard Lester
• 1976 - Il comune senso del pudore, regìa 'd Alberto Sordi
• 1978 - La settima donna, regìa ad Franco Prosperi
• 1980 - Manaos, regìa 'd Alberto Vasquez Figueroa
• 1983 - Acqua e sapone, regìa ad Carlo Verdone
• 1984 - Legati da tenera amicizia, regìa 'd Alfredo Giannetti
• 1986 - La gabbia, regìa ad Giuseppe Patroni Griffi
• 1988 - Some girls, regìa ad Michael Hoffman
• 1989 - Prisoner of Rio, regìa ad Lech Majewski
• 1989 - Portaritratto per signora, regìa dl'Adriana Zanese
• 1991 - Miliardi, regìa ad Carlo Vanzina
• 1994 - Delitto passionale, regìa ad Flavio Mogherini
• 1995 - La strana storia di Olga O., regìa 'd Antonio Bonifacio
• 1996 - L'ombre du pharaon, regìa ad Souheil Ben-Barka
• 1998 - Bela donna, regìa ad Fabio Barreto
• 2000 - Eu Não Conhecia Tururu, regìa dla Florinda Bolkan
• 2003 - Cattive inclinazioni, regìa ad Pierfrancesco Campanella

Culegamènt estéran

• (EN) Filmugrafìa in s'l IMDb