C'l artìcul chè 'l è scrit in Miranduléś
The Entity | ||
Entity | ||
La Barbara Hershey in na figùra dal film | ||
Entità 1981 | ||
---|---|---|
Regìa: Sidney J. Furie | ||
Scritōr: Frank De Felitta | ||
Atōr: Barbara Hershey • Ron Silver • Allan Rich George Coe • David Labiosa • Richard Brestoff Margaret Blye • Michael Alldredge • Natasha Ryan Alex Rocco • Jacqueline Brookes • Sully Boyar | ||
Müsica: Charles Bernstein | ||
Léngua: Ingléś | ||
Dürä dal film: 125 minüt | ||
Nasiōṅ: Stat Unî |
Entity (Entità) 'l è 'n film ad scarésa dal 1981 ad Sidney J. Furie trat da 'n rumànś ad Frank De Felitta.
Al film 'l à muciâ sù da piò ad trédas migliòṅ ad dòlar a frònt 'd un cóst ad nóṿ.
La Carla Moran (Barbara Hershey) la viṿ da par lē a Culver City (Califòrgna) insém a i sò tri fiōi. Al fiōl masć, Billy (David Labiosa), al 'l à abû da 'l sò prim marè mòrt in 'n incidènt in màchina mént'r al sò secónd spóś al l'à bandunàda dòp ch'l'iva mis al mónd dū putìni, la Julie (Natasha Ryan) e la Kim (Melanie Gaffin).
Na sira, dòp èsar turnàda a cà da 'l lavōr, la vîṅ viulentàta da 'n ès'r inviśìbil ch'al la tîṅ sòdi a lèt mént'r al la gusa. In séguit in dla cà dla Carla i tàc'n a sucédar di fat strâṅ e di sćiòp sénsa sèns. Par la paùra la dóna la và a star c'n i sò fiōi da na sò amìga ciamàda Cindy (Margaret Blye) e pò la taca a 'ndàr da 'n psichiàtra, al dutōr Phil Sneiderman (Ron Silver), che però al fà fadìga a créd'r-ag. Ma 'l èsar misterióś al n céd briśa e 'l cuntìnua a dar adòs a la Carla anc davànti a i sò fiōi tant che Billy al li ciàpa da lò in dal tintatìṿ ad diféndar sò màdar.
Un grup ad siensiâ e 'd risercadōr universitàri i rìvan lè par pruvàr a risólv'r al mistēr.
This article uses material from the Wikipedia Emiliàn e rumagnòl article Entity (film 1981), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.