Film 2001 Buffalo Soldiers
C'l artìcul chè 'l è scrit in Miranduléś
Miranduléś Buffalo Soldiers | ||
.png) La Paquin e Phoenix in na figùra dal film | ||
| Suldâ biśònt 2001 | ||
|---|---|---|
| Regìa: Gregor Jordan | ||
| Scritōr: Robert O'Connor • Eric Weiss Gregor Jordan • Nora Maccoby | ||
| Atōr: Joaquin Phoenix • Ed Harris • Scott Glenn Anna Paquin • Amani Gethers • Michael Peña Gabriel Mann • Tom Ellis • Noah Lee Margetts Brian Delate • Elizabeth McGovern • Kick Gurry Leon • Dean Stockwell • Shiek Mahmud-Bey | ||
| Müsica: David Holmes | ||
| Léngua: Ingléś • Turc | ||
| Dürä dal film: 98 minüt | ||
| Nasiōṅ: Stat Unî • Germàgna | ||
Buffalo Soldiers (Suldâ biśònt) 'l è 'n film dramàtic americàṅ e tedésc dal 2001 ad Gregor Jordan trat da 'n rumànś ad Robert O'Connor dal 1993.
La pelìcula, preśentàda in dal Setémbar dal 2001 a 'l International Film Festival ad Turònt, l'è armàśa par dū an in di casét di prudutōr prima 'd vgnir fóra dabòṅ in di cìnema di Stat Unî par via dal sò crìtichi a 'l mónd militàr ch'i n spuśàvan minga tant bèṅ c'n al clima 'd patriutìśum ch'a gh'éra in alóra in Amèrica dòp gl'atintâ d'l 11 Setémbar dal 2001.
Custâ quìndas migliòṅ ad dòlar, al film al 'n à pò fat sù dū e tri.
Sunt
Ray Elwood (Joaquin Phoenix) 'l è 'n suldâ d'l eśèrcit americàṅ ch'in dal 1989 'l è in servìsi a Stucàrda in dla Germàgna Òvest. Durànt al tèmp lìbar, insém a i sò cumpàgn Garcia (Michael Peña) e Stoney (Leon), al s dà da far c'n al marcâ négar e a preparàr dl'eruìna, ch'al tōś gréśa da di turc, par cònt 'd un grup ad militàr spaciadōr cmandâ p'r al sergìnt Saad (Shiek Mahmud-Bey). Ray al la fà sèmpar franca parchè al pasa p'r un suldâ mudèl e cunfidènt a i òć dal culunèl Berman (Ed Harris) mo chi lò al n sà minga che Elwood ad nascòst al s gusa sò mujēr (Elizabeth McGovern).
Al ròbi i càmbian quànd in dla baś a riva al prim sergìnt Robert E. Lee (Scott Glenn) ch'al naśa subìt al traplàdi dal suldâ e ch'a gh'è quèl ch'a traśa in dal sò gir mars. Ray, par far-'g un dispèt, 'l intórta sò fiōla Robyn (Anna Paquin) invidànd-la fóra a balàr ma pò al s inamóra dabòṅ ad lē.
Culegamènt estéran
This article uses material from the Wikipedia Emiliàn e rumagnòl article Buffalo Soldiers (film 2001), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.