Film Black Symphony
C'l artìcul chè 'l è scrit in Miranduléś
Miranduléś Tuno negro | ||
| Black Symphony | ||
.png) Jorge Sanz in na figùra dal film | ||
| Sinfunìa négra 2001 | ||
|---|---|---|
| Regìa: Pedro L. Barbero • Vicente J. Martín | ||
| Scritōr: Pedro L. Barbero • Vicente J. Martín | ||
| Atōr: Silke • Jorge Sanz • Eusebio Poncela Fele Martínez • Patxi Freytez • Rebeca Cobos Enrique Villén • Maribel Verdú • Paca Gabaldón | ||
| Müsica: Roque Baños • Alex Martínez | ||
| Léngua: Spagnōl | ||
| Dürä dal film: 110 minüt | ||
| Nasiōṅ: Spaggna | ||
Black Symphony (Sinfunìa négra) 'l è 'n film ad scarésa spagnōl dal 2001 dcrit e dirèt par Pedro L. Barbero e par Vicente J. Martín.
'L è stâ girâ c'n un budget ad dū migliòṅ 'd euro a 'l incìrca.
Sunt
L’Arantxa González Cuevas (Maribel Verdú) l'è na studènta dla facultà 'd dirìt dl'università 'd Salamànca in Spaggna, institùt gestî da dal sōri ch'i tìnan divìśi 'l cambri di masć da qvéli dal fémni. La ragàsa l'è la fiōla 'd 'n avucàt famóś dònca la n è minga una cl'la stùddia dimóndi, tant a gh'è sèmpar sò pàdar ch'al tira fóra i bèsi par lē. Na sira la s mét in chat c'n un tisi misterióś ch'al s fà ciamàr al „menestrèl négar“ e 'l è pròpria lò che, tut mascrâ, al la masa in dla capèla dla céśa.
La nòt dòp a riva in dla scōla na studènta nóva, l’Alejandra Alonso dita Álex (Silke), una ch'la s divertìs faghénd art marsiàli in palèstra. Chi lē la gh cgnós subìt Eduardo dit Edu (Jorge Sanz), Alacrán (Sergio Pazos) e F.J.Fonseca dit el Trucha (Patxi Freytez), tri studènt e mémbar 'd un grup ad menestrèi, sunadōr in custùm ch'i piàśan dimóndi a la madar superiōra (Carmen Lucas). In cal mént'r al menestrèl négar al fà n'atra vitma, masànd cun na tégia e 'n curtlàs, durànt la séna dal sò matrimòni, cla ninéta dla Casa cuntìnua (Estrella Zapatero), prufesōra 'd stòria dl'art ch'l'éra andànda in dal cèso par gusàr cun Edu.
Dòp na lesiòṅ ad religiòṅ dal prufesōr Don Justo (Eusebio Poncela) e dla criminòluga Anabel (Paca Gabaldón), ch'la dascór dal sasèṅ seriàł John Wayne Gacy, al grup al s riunìs par pruàr a far luś su na cadéna 'd masamènt a 'l intèran dl'università. Teo (Enrique Villén) al fà a mènt ch'al vitmi i èṅ sèmp'r al studènti più lòfi di cōrs.
Culegamènt estéran
This article uses material from the Wikipedia Emiliàn e rumagnòl article Black Symphony (film), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.