Artécol in dialèt arzân
C'l artìcul chè 'l è scrit in Arzân |
Augusto Daolio (Nuvalêra, 18 fervêr 1947 – Nuvalêra, 7 utòber 1992) l’é stê un cantânt italiân.
La só avintûra ind al mònd ed la muşíca la cumîncia da ragâs, quând, int al 1963, insèm a Beppe Carletti, Franco Midili, Leonardo Manfredini, Gualtiero Gelmini e Antonio Campari al fònda al gróp di Nomadi. Al cumplès al srà destinê a dvintêr al pió impurtânt e pió vèc gróp musichêl ind la stôria ed la muşíca italiâna. Al dvèinta al cantânt e al sicûr câp dal gróp, grâsia al só bòun nòm e al só stupènd rapôrt cun al póblich: sgnê da la vòja de stêr insèm a j afesiunê, da ló sèimper cunsidrê amîgh. Int al 1972 l'à stampê un 45 gîr da per ló: Una ragazza come tante.
La só personalitê, acsé bèin vésta da j afesiunê, l’à sèimper fât vèder tânta vòja ed véver e desidèri ed giustésia ed ugualiĵansa ind i cunfrûnt dal persòuni e popolasiòun pió dèbli e melmési mó sèimper visûda ind la simplicitê. În quisché j ideêl che fân unōr incòra incō al Pôpol Nomade, osèja j apasiunê dal gróp di I Nomadi.
Al mōr al 7 utòber 1992, a la fîn ed ‘na cûrta e dulurōṣa malatéia. Al lâsa, la cumpâgna Rosanna Fantuzzi, e un vōd ch’an ‘s pōl mìa impîr a l'intêren di Nomadi e int al cōr di Afesiunê.
Dôp la só môrt la cumpâgna Rosanna la fònda l'asociasiòun "Augusto per la vita"
Augusto Daolio an n’é mìa stê sōl un cantânt mó ânch un povēta e un pitōr.
* A sun stê furtunê: jò incuntrê la muşíca, jò incuntrê la poeşéia, jò incuntrê l'êrt, jò incuntrê al parôli. A vòj dîr ch' an n'ò mia serchê gnînt.
* A gh'ò dimòndi amîgh scultōr, pitōr e grâfich, Ciaschedûn ed lōr am regâla quèl, am fà andêr in cunfidèinsa cun i stódi parfumê 'd ôli ed lèin e 'd acqarêşa, am fà tôr pêrta a cla strâna magî misteriōşa. A gh'ò pôch amîgh cantânt e muşicésta, e an só mia perchè. Fōrsi perchè a gh'àn pôca pasiòun per i fât ed la véta, quân a sèmbrên procupê sōl dal sucès, ed l'ûltma colesiòun, e quând în mia al cèinter ed l'atensiòun a dôrmen dimòndi, cme al balerèini. Lavôr ch' am divéd da lōr in môd decîş.
* Se còl ch' am pôrta a disgnêr l'é 'na sutîla malatéia fōra dal normêl, 'na frîda céca, un difèt, un şbrêgh, a vòj che còst an guarésa mai, ânsi a vòj cunsidrêr al disgnêr cme un lavōr, ânca fadigōş, de schêv, ed cunfesiòun dal vôlti ch'la fâga ânca mêl.
L'é ind l'istès mumèint 'na furtûna umâna, dimòndi grôsa.
* Quând an gh'ò mia vòja ed disgnêr a gh'ò vòja de scréver, quând an gh'à mia vòja de scréver e an gh'ò mia vòja 'd disgnêr a gh'ò vòja ed viaşêr.
* S'et cânt cuna la vōş, préma o dôp ét gh'ê da taşèir... Canta cun al cōr, perchè ét gh'arê mai da taşèir.
* A mé la môrt l' am fà 'na paûra grôsa, a 's lêsen trôp surîş, trôpi mân, trôp ôc.»
Dal 1993, só idèja dal giurnalésta ed mûşica Fausto Pirito, in ricôrd 'd Agusto Daolio, è stê fât al prémi Tributo ad Augusto", dê tót j ân a Nuvalêra, al tèimp dal Nomadincontro, ch' al vîn fât int al fîn ed la stmâna pió atâch a la dât dal cumpleân 'd Augusto, a 'n' artésta ch' al s'é fât vèder per avèir avû dal idèj per la solidarietê. Int al 1995 al prémi l'é stê dê a tót j artésta ch' àn tôt pêtra al désch per beneficèinsa Tributo ad Augusto.
Ad Augusto a gh'é stê dedichê soquânti cansòun:
This article uses material from the Wikipedia Emiliàn e rumagnòl article Augusto Daolio, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.