7 Chili In 7 Giorni
C'l artìcul chè 'l è scrit in Miranduléś
Miranduléś 7 chili in 7 giorni | ||
 La Gioia, Pozzetto e Verdone in na figùra dal film | ||
| 7 chilo in 7 dè 1986 | ||
|---|---|---|
| Regìa: Luca Verdone | ||
| Scritōr: Leonardo Benvenuti Piero De Bernardi • Luca Verdone | ||
| Atōr: Renato Pozzetto • Carlo Verdone • Tiziana Pini Elena Fabrizi • Silvia Annichiarico • Franco Diogene Monica Gioia • Franco Adducci • Giuseppe D'Aloja | ||
| Müsica: Pino Donaggio | ||
| Léngua: Itagliàṅ • Pugléś | ||
| Dürä dal film: 105 minüt | ||
| Nasiōṅ: Itàglia | ||
7 chili in 7 giorni (7 chilo in 7 dè) l'è na cumèdia itagliàna dal 1986 ad Luca Verdone, fradèl dal prutagunìsta Carlo.
Sunt
Alfio Tamburini (Carlo Verdone) e Silvano Baracchi (Renato Pozzetto) i èṅ dū dutōr in madśìna ch'insém i s èṅ laureâ a fadìga. Nóṿ an dòp i s càtan par caś in dal sènt'r estètig 'd Alfio e i decìd'n ad vèrar na cà 'd cura par budlòṅ druànd un caśàł 'd campàggna dla mujér 'd Alfio, la Samantha (Silvia Annichiarico).
Druànd al ślògan „7 chilo in 7 dè“ e cun 'l ajùt dl'infarméra Miriam (Monica Gioia) e 'd un dumèstic cinéś (Hal Yamanouchi), i dū i ricév'n in dal sèntar par pèrdar pēś un squantèr'n ad cliènt: un pùgil (Giuseppe D'Aloja), na vècia ch'la n gh la cava piò a pasàr par 'l asinsōr, la sora Rosa (Elena Fabrizi), 'l asesōr Turri (Franco Diogene), na cantànta lìrica (Annabella Schiavone), na còpia ciciòna (Fiammetta Baralla e Totò Pinto), un munsgnōr (Franco Adducci) ch'un quàlc pcâ 'd góla al 'l arà fat anc lò, un ragasōl dispetóś ciamâ Paolone (Fabrizio Sergi) e na bèla dóna, la Tiziana (Tiziana Pini), ch'a n s sà mia parchè la sia lè.
I dutōr i sarvìs'n a i pasiènt na paparùcia ch'la fà śmagrìr, pò gnanc qvéla ma sōl di piàt vōd e imaginàri.
Na sira Paolone, ch'al s éra purtâ dal magnàr da cà e ch'al 'l iva lugâ dapartùt, al bèca la Tiziana insém a Silvano esénd che, sfinìda da la fam, la dóna l'iva decìś ad far sès sèg in cambi ad quèl da métar sót a i dènt. Quànd al ragasōl al cònta incòsa a chi àtar pasiènt, a gh vîṅ un masèl lè in dla clìnica.
Culegamènt estéran
This article uses material from the Wikipedia Emiliàn e rumagnòl article 7 chili in 7 giorni, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.