Renato Pozzetto

Renato Pozzetto (Lavèṅ Mumbèl, 14 ad luj dal 1940) 'l è 'n atōr, regìsta, còmic ad cabarè e senegiadōr itagliàṅ uriginàri dal vareśòt. 'L è cgnusû par la sò fórma 'd umurìśum cundìda 'd un spric ad surealìśum.

Biugrafìa

Nâ in na famìja ad lavuradōr, al pasa la sò giuinésa a Gemòni. Dòp avér studiâ da geòmetra, al fà al sò primi surtìdi in d'l ambiènt dal cabarè milanéś. In dal 1964 al s mét insém a Cochi Ponzoni par dar vita a 'n duo còmic. Al debùt al vèṅ a l'Ustarìa dl'Oca. In séguit i métan sù al Gruppo Motore insém a Enzo Jannacci, Felice Andreasi, Bruno Lauzi e Lino Toffolo, śibénd-as a 'l Cab 64 d'l amìg Tinin Mantegazza (ciapànd 3.500 franc a sira ma sōl s'i gh la cavàvan a far sù déś spetadōr almànc) e pò a 'l Derby ad Milàṅ. Da 'd lè in avànti Pozzetto e Ponzoni i tàcan a far-as ciamàr Cochi e Renato.

Chi dū lè i càtan al sucès in présia, tacànd a far di lavōr da prutagunìsta anc in RAI cuma in dal traśmisiòṅ Quelli della domenica dal 1968, Il buono e il cattivo dal 1972, Il poeta e il contadino - l'incontro che non doveva avvenire dal 1973 e Canzonissima dal 1974. In cal mèntar i càntan anc soquànt canti ad sucès, cun 'l ajùt d'l amìg Enzo Jannacci, cuma La gallina (La galìna), Canzone intelligente (Cansòṅ inteligìnta) e, in sima a tut, E la vita, la vita (id.), cgnusùda da tut.

A partìr da 'l 1974 cun Per amare Ofelia, Pozzetto al taca anc a recitàr da par lò in soquànt film cuma Gran bollito (Gran Bujî dal 1977, ch'al dascór dla dóna ad Curéś ch'la fava i savòṅ cun di cadàvar), La patata bollente (La patàca bujénta dal 1979, in dua al s pòrta a lèt al fnòć piciâ da di naśìsta Massimo Ranieri), Mia moglie è una strega (Mè mujér l'è na stria dal 1980, insém a l'Eleonora Giorgi), Ricchi, ricchissimi... praticamente in mutande (Ric, ric sfundâ... praticamènt in mudàndi dal 1982, cun l'Edwige Fenech), 7 chili in 7 giorni (7 chilo in 7 dè dal 1986, in dua al fà śmagrìr di budlòṅ insém a Carlo Verdone) e Le comiche (Al còmichi dal 1990, insém a Paolo Villaggio).

Da 'l 2000 'l è turnâ insém a Cochi Ponzoni in televiśiòṅ cun di spetàcui cuma Nebbia in Val Padana, Zelig Circus e Stiamo lavorando per noi. In n màncan gnanc di spetàcui a teàtar: Nonostantelastagione, Nuotando con le lacrime agli occhi - Canzoni e ragionamenti, Una coppia infedele.

In dal 2009 al gira dal reclàm cónt'r 'l fum p'r al Guèran dal tìtul "Fumare uccide: difenditi!" (Fumàr a masa: difénd-at!). A la fiṅ d'l an al patìs la mòrt ad sò mujér Brunella Gubler.

Filmugrafìa

• 1974 - Per amare Ofelia, regìa ad Flavio Mogherini
• 1974 - La poliziotta, regìa ad Steno
• 1975 - Baby Sitter - Un maledetto pasticcio, regìa ad René Clément
• 1975 - Due cuori, una cappella, regìa ad Maurizio Lucidi
• 1975 - Di che segno sei?, regìa ad Sergio Corbucci
• 1975 - Un sorriso, uno schiaffo, un bacio in bocca, regìa ad Mario Morra
• 1975 - A mezzanotte va la ronda del piacere, regìa ad Marcello Fondato
• 1975 - Paolo Barca, maestro elementare, praticamente nudista, regìa ad Flavio Mogherini
• 1975 - Il padrone e l'operaio, regìa ad Steno
• 1976 - Luna di miele in tre, regìa ad Carlo Vanzina
• 1976 - Sturmtruppen, regìa ad Salvatore Samperi
• 1976 - Telefoni bianchi, regìa ad Dino Risi
• 1976 - Oh! Serafina, regìa 'd Alberto Lattuada
• 1977 - Ecco noi per esempio..., regìa ad Sergio Corbucci
• 1977 - Tre tigri contro tre tigri, regìa ad Sergio Corbucci e 'd Steno
• 1977 - Gran bollito, regìa ad Mauro Bolognini
• 1978 - Io tigro, tu tigri, egli tigra, regìa ad Renato Pozzetto - prim epiśòdi
• 1978 - Saxofone, regìa ad Renato Pozzetto
• 1978 - Per vivere meglio divertitevi con noi, regìa ad Flavio Mogherini
• 1979 - Tesoromio, regìa ad Giulio Paradisi
• 1979 - Agenzia Riccardo Finzi... praticamente detective, regìa ad Bruno Corbucci
• 1979 - Giallo napoletano, regìa ad Sergio Corbucci
• 1979 - La patata bollente, regìa ad Steno
• 1980 - Sono fotogenico, regìa ad Dino Risi
• 1980 - Zucchero, miele e peperoncino, regìa ad Sergio Martino
• 1980 - Mia moglie è una strega, regìa ad Castellano & Pipolo
• 1980 - Fico d'india, regìa ad Steno
• 1981 - Uno contro l'altro, praticamente amici, regìa ad Bruno Corbucci
• 1981 - Culo e camicia, regìa ad Pasquale Festa Campanile
• 1981 - Nessuno è perfetto, regìa ad Pasquale Festa Campanile
• 1982 - Testa o croce, regìa ad Nanni Loy
• 1982 - La casa stregata, regìa ad Bruno Corbucci
• 1982 - Porca vacca, regìa ad Pasquale Festa Campanile
• 1982 - Ricchi, ricchissimi... praticamente in mutande, regìa ad Sergio Martino
• 1983 - Questo e quello, regìa ad Sergio Corbucci
• 1983 - Mani di fata, regìa ad Steno
• 1983 - Un povero ricco, regìa ad Pasquale Festa Campanile
• 1984 - Il ragazzo di campagna, regìa ad Castellano & Pipolo
• 1985 - Lui è peggio di me, regìa 'd Enrico Oldoini
• 1985 - È arrivato mio fratello, regìa ad Castellano & Pipolo
• 1986 - 7 chili in 7 giorni, regìa ad Luca Verdone
• 1986 - Grandi magazzini, regìa ad Castellano & Pipolo
• 1987 - Roba da ricchi, regìa ad Sergio Corbucci
• 1987 - Da grande, regìa ad Franco Amurri
• 1987 - Noi uomini duri, regìa ad Maurizio Ponzi
• 1987 - Il volatore di aquiloni, regìa ad Renato Pozzetto
• 1988 - Casa mia casa mia..., regìa ad Neri Parenti
• 1989 - Burro, regìa ad Josè Maria Sanchez
• 1990 - Le comiche, regìa ad Neri Parenti
• 1990 - Non più di uno, regìa ad Berto Pelosso
• 1991 - Piedipiatti, regìa ad Carlo Vanzina
• 1991 - Le comiche 2, regìa ad Neri Parenti
• 1992 - Infelici e contenti, regìa ad Neri Parenti
• 1992 - Ricky e Barabba, regìa ad Christian De Sica
• 1994 - Miracolo italiano, regìa 'd Enrico Oldoini
• 1994 - Anche i commercialisti hanno un'anima, regìa ad Maurizio Ponzi
• 1994 - Le nuove comiche, regìa ad Neri Parenti
• 1995 - Mollo tutto, regìa ad Josè Maria Sanchez
• 1996 - Papà dice messa, regìa ad Renato Pozzetto
• 2007 - Un amore su misura, regìa ad Renato Pozzetto
• 2009 - Oggi sposi, regìa ad Luca Lucini

Culegamènt estéran

• (IT) Al sò sit ufisiàŀ
• (EN) La sò schéda in s'l IMDb