སྨྱོ་ཤུལ་མཁན་པོ་འཇམ་དབྱངས་རྡོ་རྗེ་མཆོག།

དེ་གི་ཤུལ་ལས་སྨྱོ་ཤུལ་དགོན་པ་ལུ་ ཆགས་ཞེན་དང་འབྲེལ་བའི་དམ་བཅའ་ཚུ་བླ་མ་ ཐུབ་རྟེན་གོམ་ཅོག་ལེགས་དོན་ལས་ཞུ་ནུག། མཁན་པོ་མཆོག་གིས་རྫོགས་ཆེན་གྱི་ཆོས་ཚུ་ ཁོ་རའི་ཨང་རྒས་ཀྱི་སློབ་དཔོན་མཆོག་གི་ཡང་སྲིད་ སྨྱོ་ཤུལ་ལུང་རྟོགས་བསྟན་པའི་ཉི་མ་དང་། སྨྱོ་ཤུལ་ལུང་རྟོགས་ཤེས་རབ་བསྟན་པའི་ཉི་མ། མཁན་པོ་ ང་དགའ། ངག་དབང་དཔལ་བཟང་གི་སློབ་མ་ཚུ་ལས་ཐོབ་ནུག། དེ་གི་ཤུལ་ལས་ བསྟན་པའི་ཉི་མ་མཆོག་ཁོ་རའི་སློབ་དཔོན་གཙོ་བོ་ལས་ བསྙེན་རྒྱུད་མན་ངག་ཆེན་མོ་དང་གཞན་རྫོགས་ཆེན་ཚུ་ཤུགས་འཕོ་ཚུ་ཐོབ་ནུག། གཡུས་སྨྱོ་ཤུལ་ལུ་བཞུགསཔ་ད་ ཁོ་གིས་སྔར་སྲོལ་ཡིག་བྲིསམ་ནང་པ་སངས་རྒྱས་ཀྱི་རྗེས་འཇུག་པའི་གྲུབ་མཐའ་ཚུ་སློབ་སྦྱོང་མཛད་ནུག། དེ་གིས་ཡང་མ་ཚད་སློབ་དཔོན་མངས་རབ་ཅིག་ལས་སྐུ་ཡོན་འཕྲོ་མཐུད་དེ་སྦྱངས་ཞིནམ་ལས་ ལུགས་མཐུན་ཤེས་ཡོན་མཇུག་བསྡུ་སྟེ་ མཁན་པོ་མཆོག་ དགོན་སྡེའི་གཙོ་འཛིན་སྦེ་བསྐོ་བཞག་གནང་ནུག། ཁོ་གིས་དགོན་པ་ལུ་དགེ་སློང་གཞོནམ་ཚུ་ལུ་ གཞུང་དོན་རིག་པའི་སྐོར་ལས་ལོ་ངོ་དག་པ་ཅིག་སྟོན་གནང་ནུག། དེའི་བསྒང་ཁོ་གིས་ལོ་ངོ་གཅིག་གི་རིང་ལུ་ རང་རྐྱང་རི་ཁྲོད་ཚུ་ལས་ཕར་བྱག་ཕུག་ནང་ལུ་ གཏུམ་མོ་དང་གཅོད་ཚུ་མཛད་དེ་བཞུགས་ནུག།

དེ་གི་ཤུལ་ལས་སྤྱི་ལོ་༡༩༥༠ ང་གྲངས་ལུ་རྒྱ་ནག་རྒྱལ་ཁབ་ནང་ལུ་འཇིགས་སྐུལ་ཡར་སེང་འགྱོཝ་ད་ མཁན་པོ་མཆོག་གིས་ཁམས་ལས་བྱོག་འགྱོ་ནི་སྦེ་ཐག་གཅད་དེ་ བོད་ལས་མར་མི་སེར་བདུན་ཅུ་དོན་ལྔ་ཁྱིད་དེ་ཞབས་འགྲུལ་སྦེ་ ཧི་མ་ལ་ཡ་ལས་བྱོནམ་ད་ རྒྱ་ནག་རྒྱལ་ཁབ་གིས་དམག་མི་ཚུ་གིས་མེ་སྤར་བཏངམ་ལས་  ཁོང་ལྔ་རྐྱངམ་ཅིག་གསོན་པོ་སྦེ་ལུས་ནུག། དེ་ལས་དེའི་ཤུལ་མའི་ལོ་ནང་ལུ་ འབྲུག་དང་རྒྱ་གར་རྒྱལ་ཁབ་གཉིས་ནང་ལུ་སྐྱབས་བཅོལ་པ་སྦེ་བཞུགས་ནུག།

སྤྱི་ལོ་༡༩༧༠ དོན་གྲངས་ལོ་ལུ་ ཀ་གླིང་སྤོང་ལུ་བཞུགསཔ་ད་ལུ་ མཁན་པོ་མཆོག་སྐུ་བསྙུངས་ཏེ་ དེ་བསྒང་ཁོ་གི་དབང་རྩའི་རིམ་ལུགས་ ཤུགས་སྦེ་ར་ཉམས་ཆག་ཤོར་ཏེ་ལོ་ངོ་དག་པ་ཅིག་ལུས་ནུག། མི་མངས་རབས་ཅིག་དང་ལྷག་པར་དུ་མཁན་པོ་ཁོ་ར་གིས་འབད་བ་ཅིན་ མི་ཕྲག་དོག་ཅན་ཚུ་གིས་དུག་བཏང་ནུག་ཟེར་དོགས་པ་ཆགས་ནུག། དུས་ཚོད་རྩུབ་ཅན་དེ་ནང་ལུ་མཁན་པོ་མཆོག་ ཨོར་རྒྱན་ཀུན་བཟང་ཆོས་འཁོར་གླིང་དགོན་པ་ལུ་བཞུགས་ནུག། མ་གཞི་གསོན་པོ་སྦེ་བཞུགས་ཚུགས་རུང་འཕྲལའཕྲལ་ར་གསུང་གྲོས་གནངམ་ད་ སྐད་གདངས་ལུ་དཀའ་སྔལ་བྱུངམ་མ་ཚད་ གསངས་ས་གསུང་ནི་མ་གཏོགས་སྐད་ཤུགས་གསུངས་མ་ཚུགསཔ་ཨིན་མས། དེ་གིས་སྦེ་སློབ་མ་ཚུ་ལུ་གསུང་ནི་རེ་ཡོད་རུང་ གསངས་ས་སྦེ་གསུང་ནི་དང་ཡང་ན་ཡིག་ཐོག་ལུ་བྲིས་ཏེ་གསུངསམ་ཨིན་ཟེར་ཨིནམ་པས། མཁན་པོ་མཆོག་མཐར་ཐུག་ལུ་ འབྲུག་རྒྱལ་ཁབ་ནང་ལུ་གཞིས་ཚུད་ཚར་བའི་ཤུལ་མ་ སྐུ་འཁོར་ཚུ་གིས་སྐྱབས་འཛིན་སྦེ་ཐོབ་ཞིནམ་ལས་སློབ་མ་ཡང་ལེ་ཤ་ཐོབ་ནུག།

མཁན་ཆེན་མཆོག་གིས་སྤྱི་ལོ་༡༩༧༠ ལུ་སློབ་དཔོན་བསོད་ནམས་བཟང་པོ་གིས་ཞུ་བ་ཕུལ་མི་དང་ ལྷག་པར་དུ་ བདུད་འཇོམས་རིན་པོ་ཆེ་ གིས་རྒྱབ་སྣོན་ངོ་སྦྱོར་གནང་མིདང་འཁྲིལ་ཏེ་ ཁོ་རའི་ཡུན་རིང་བའི་ནད་ལུ་བདག་འཛིན་འབད་དགོ་ནིའི་དོན་ལུ་འབྲུག་གི་ཨམ་སྲུ་ངོ་མིང་ དམ་ཆོས་བཟང་མོ་ཟེར་མི་ཅིག་དང་གཉེན་རྐྱབ་ནུག། དེ་གི་ཤུལ་ལས་འཕྲལ་ར་ སུ་ཛར་ལེཊ་ལུ་སྨན་བཅོས་ལུ་བྱོན་ཞིནམ་ལས་ལོ་ངོ་དག་པ་ཅིག་བཞུགས་ནུག། དེ་གིས་མ་ཚད་ ཕརནསི་ལུ་དབེན་གནས་ལྟེ་བ་ནང་ལུ་སློབ་སྟོན་མཛད་དེ་བཞུགས་ནུག། སྤྱི་ལོ་༡༩༩༠ གོ་གྲངས་ལུ་མཁན་པོ་མཆོག་གིས་ རྫོགས་ཆེན་རིགས་རྒྱུད་ཀྱི་སྐོར་ལས་བྱུང་རབས་པོ་ཏི་གཉིས་དཔེ་སྐྲུན་མཛད་ནུག། མཁན་པོ་མཆོག་སྤྱི་ལོ་༡༩༩༩ ལུ་འཚུབ་ཅན་སྦེ་ར་སྐུ་བསྙུངས་ཏེ་  དད་ཅན་གྱི་སློབ་མ་ཚུ་གིས་བེང་ཀོག་གི་སྨན་ཁང་སྦོམ་ཅིག་ནང་ལུ་སྨན་བཅོས་འབད་བའི་ཁར་ སྤྲུལ་སྐུ་པད་མ་དབང་རྒྱལ་གྱི་བཟའ་ཚང་ཚུ་གིས་བདག་འཛིན་འབད་ནུག། ཨིན་རུང་སྙུང་ཞི་ལས་མ་དྭངསཔ་ལས་སྤྱི་ལོ་༡༩༩༩ ལུ་ དིལ་གོང་མཁྱེན་བརྩེ་དང་ བདུད་འཇོམས་རིན་པོ་ཆེ་གཉིས་ཀྱི་ལྟེ་བ་ རྡོར་འབྲོག་གནས་ལུ་སྦེ་བཤགས་སོ་ནུག་ག།

རྒྱབ་རྟེན།

https://treasuryoflives.org/biographies/view/Nyoshul-Khenpo-Jamyang-Dorje/8177