༉ སྤྱིར་བཏང་ཨོ་ལིམ་པིག་ཟེར་མི་འདི་ རྩེད་འགྲན་ཅིག་ལུ་གོ་ཨིན་རུང་ དོན་ངོ་མ་ལུ་ རྩེད་འགྲན་འབད་སའི་ས་གནས་ཀྱི་ མིང་ལུ་བརྟེན་ཏེ་སླབ་སླབ་ཨིན་མས། དེ་ཡང་ རྩེད་འགྲན་འགོ་དང་པ་ གྷིངིསི་གི་ས་གནས་ ཨོ་ལིམ་པི་ཡ་ཟེར་ས་ལུ་རྩེ་ནི་དེ་གིས་ རྩེད་སྟོན་གྱི་མིང་དེ་ཡང་ ཨོ་ལིམ་པིག་ཟེར་བཏགས་བཏགསཔ་ཨིན་མས། རྒྱལ་ཁབ་ག་ཏེ་ལུ་ཡང་ རྒྱལ་ཁབ་རང་ར་སོ་སོའི་ ཨོ་ལིམ་པིག་ཚོགས་པ་ཡོདཔ་བཞིན་དུ་ འབྲུག་རྒྱལ་ཁབ་ལུ་ཡང་ འབྲུག་ཨོ་ལིམ་པིག་ཚོགས་པ་ ཟེར་མི་ཅིག་གཞི་བཙུགས་འབད་དེ་ཡོདཔ་ཨིན།
འབྲུག་ཨོ་ལིམ་པིག་ཚོགས་པ་འདི་ སྤྱི་ལོ་ ༡༩༨༣ སྤྱི་ཟླ་ ༡༡ པའི་ སྤྱི་ཚེས་ ༢༣ ལུ་ གཞི་བཙུགས་འབད་ནུག། དེ་བསྒང་ མི་དབང་འབྲུག་རྒྱལ་བཞི་པ་མཆོག་ འབྲུག་ཨོ་ལིམ་པིག་ཚོགས་པའི་སྲིད་འཛིན་ཨིནམ་དང་། ད་ལྟོའི་སྲིད་འཛིན་འདི་ རྒྱལ་སྲས་དྲག་ཤོས་ འཇིགས་རྒྱལ་ཨྱོན་དབང་ཕྱུག་མཆོག་དང་ ཡོངས་ཁྱབ་དྲུང་ཆེན་ བསོད་ནམས་ཀརྨ་ཚེ་རིང་ཨིན་མས། འབྲུག་ཨོ་ལིམ་པིག་ཚོགས་པའི་ ཡིག་ཚང་ལྟེ་བ་འདི་ ཐིམ་ཕུག་ལུ་ཡོདཔ་ཨིན།
འཛམ་གླིང་ནང་ ཡོངས་གྲགས་ཡོད་པའི་རྩེད་རིགས་འདི་ ཐག་འཐེན་དང་ དྲྭ་རིལ་རྐང་རིལ་ དེ་ལས་ གཡུག་རིལ་ཚུ་ཨིན་མས། མདའ་རྩེད་འདི་ འབྲུག་རྒྱལ་ཡོངས་ཀྱི་རྩེདམོ་ཨིནམ་ལས་ དེ་རྐྱངམ་གཅིག་ འཛམ་གླིང་ཨོ་ལིམ་པིག་ནང་ བཅའ་མར་གཏོགས་ཏེ་ རྩེད་འགྲན་འབདཝ་ཨིན་མས།
འབྲུག་ཨོ་ལིམ་པིག་ཚོགས་པ་ (ལོ་མེད) en.m.wikipedia.org ལྟར་དུ་འབད་བ་ཅིན་ སྤྱི་ལོ་ ༡༩༨༤ གི་ ཨོ་ལིམ་པིག་ རྩེད་འགྲན་འདི་ ས་གནས་ ལཱོས་ཨེན་ཇེ་ལིསི་ཟེར་ས་ལུ་ འགོ་འདྲེན་ཐབས་པའི་སྐབས་ འབྲུག་རྒྱལ་ཁབ་ཀྱི་ རྩེད་འགྲྲན་པ་ ཕོ་སྐྱེས་གསུམ་དང་ཨམ་སྲུ་གསུམ་གྱིས་ མདའ་རྩེདཔ་ནང་བཅའ་མར་གཏོགས་མི་འདི་ འགོ་དང་པ་ཨིན་ཟེར་བཀོད་དེ་འདུག། དུས་དེ་ལས་འགོ་བཙུགས་ཏེ་ གནམ་བྱཱར་གྱི་རྩེདམོ་ སྤྱི་ལོ་ ༡༩༨༨། ༡༩༩༢། ༡༩༩༦། ༢༠༠༠། ༢༠༠༤། དང་ སྤྱི་ལོ་ ༢༠༠༨ ལུ་བཅའ་མར་གཏོགས་ཡོདཔ་མ་ཚད་ སྤྱི་ལོ་ ༢༠༡༠ ལུ་ ན་གཞོན་ཨོ་ལིམ་པིག་ རྩེད་འགྲན་འབད་བའི་སྐབས་ལུ་ཡང་ བཅར་མར་གཏོགས་ནུག།
སྤྱི་ལོ་ ༢༠༠༤ གི་རྩེད་འགྲན་འདི་ ཨེ་ཐེནས་ལུ་ འགོ་འདྲེན་ཐབས་པའི་སྐབས་ འབྲུག་རྒྱལ་ཁབ་ཀྱི་ངོ་ཚབ་སྦེ་ འགོ་དང་པ དེང་སང་ཨོ་ལིམ་པིག་འདི་ནང་ མདའ་རྩེདཔ་ ཚེ་རིང་ཆོས་སྒྲོན་དང་ བཀྲིས་དཔལ་འབྱོར་གཉིས་ཀྱིས་ བཅའ་མར་གཏོགས་ཡོད་པའི་ཁར་ ལུས་རྩལ་པ་ཀུན་བཟང་ཆོས་སྒྲོན་དང་ བསོད་ནམས་སྟོབས་རྒྱས་གཉིས་ཡང་ ན་གཞོན་ཨོ་ལིམ་པིག་གི་ མདའ་རྩེདཔ་ནང་ གདམ་འཐུ་གྲུབ་ནུག།
འཛམ་གླིང་ནང་ ཨོ་ལིམ་པིག་རྩེད་རིགས་ འགོ་འགྲན་འཐབ་དགོ་མི་འདི་ཡང་ ཡོངས་འབྲེལ་ཡུ་ཊུབ་ (ལོ་མེད) https://www. 2020games.metro.tokyo.lg.jp › taikaijyunbi ནང་འབད་བ་ཅིན་ རྩེད་སྟོན་ལས་རིམ་ལས་བརྟེན་ཏེ་ རྒྱལ་ཁབ་རང་ར་སོ་སོའི་ ཐུན་མོང་མ་ཡིན་པའི་རྩེད་རིགས་ཚུ་ རྒྱལ་ཁབ་གཅིག་ནང་བརྩི་སྲུང་ཞུ་སྟེ་ ལུས་རྩལ་བྱིན་ཚུགས་ནི་དང་ རྒྱལ་ཁབ་གཅིག་གིས་གཅིག་ལུ་ གཅིག་མཐུན་དང་གཅིག་སྒྲིལ་གྱི་མཐུན་ལམ་བཟོ་ནིའི་དོན་ལུ་ ཨིན་ཟེར་བཀོད་དེ་འདུག།
དེ་བཟུམ་སྦེ་ འབྲུག་ཨོ་ལིམ་པིག་ཚོགས་པ་ ཡོངས་འབྲེལ་ཡུ་ཊུབ་ (ལོ་མེད) http://www.youtube.com གི་འབད་བ་ཅིན་ ཨོ་ལིམ་པིག་གི་ བཀའ་ཁྲིམས་ལྟར་དུ་ ཨོ་ལིམ་པིག་གི་རྩེད་རིགས་འདི་ གོང་འཕེལ་གཏང་ནིའི་དོན་ལུ་ བརྩོན་ཤུགས་བསྐྱེད་ནི་ཨིན་ཟེར་བཀོད་ནུག།
འབྲུག་ཨོ་ལིམ་པིག་ཚོགས་པ་འདི་ རྒྱལ་ཡོངས་ཨོ་ལིམ་པིག་ཚོགས་པ་ ༢༠༥ ལས་ གཅིག་ཨིནམ་སྦེ་ ཨོ་ལིམ་པིག་ལས་ཚོགས་ཀྱིས་གསར་གཏོད་མཛད་ནུག།
རྒྱབ་རྟེན།
འབྲུག་ཨོ་ལིམ་པིག་ཚོགས་པ། (ལོ་མེད) en.m.wikipedia.org
ཡོངས་འབྲེལ་ཡུ་ཊུབ། (ལོ་མེད) https://www. 2020games.metro.tokyo.lg.jp › taikaijyunbi
ཡོངས་འབྲེལ་ཡུ་ཊུབ། (ལོ་མེད) http://www.youtube.com
This article uses material from the Wikipedia ཇོང་ཁ article འབྲུག་ཨོ་ལིམ་པིག་ཚོགས་པ།, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ཇོང་ཁ (DUHOCTRUNGQUOC.VN) is an independent company and has no affiliation with Wiki Foundation.