དྲག་ཤོས་འཇིགས་རྒྱལ་ཨོ་རྒྱན་དབང་ཕྱུག།

ཁོ་གིས་ཕྱག་དཔེ་དེ་ འབྲུག་ལུ་དབྱངས་ཅན་ཕུག་འབྲིང་རིམ་སློབ་གྲྭ་གོང་མའི་ནང་གཟིགས་ནུག། དེ་གི་ཤུལ་ལས་ སྤྱི་ལོ་༢༠༠༣ ལུ་ཕྱི་རྒྱལ་ཡུ་ཨེསི་ཀ་ལནེག་ཊི་ཀཊི་ཝ་ལིང་ཕོརཊ་ཅཱོཊི་རོསི་མེ་རི་ཧཱོལ་ ( Choate Rosemary Hall in Wallingford, Connecticut, USA) ནང་ལས་མཐར་འཁྱོལ་ནུག། སྤྱི་ལོ་ ༢༠༠༣ ལས་ཁོ་གིས་ ཨོགསི་ཕོརཊི་ཡུ་ནའི་ཊེཊི་ཀིང་ཌམ་ ( Oxford United Kingdom ) གྱི་ཨེསི་ཊི་པེ་ཊརསི་ (St Peter’s College ) མཐོ་རིམ་སློབ་གྲྭ་ནང་ལས་ རིག་གསར་བྱུང་རབས་དང་སྲིད་དོན་མཚན་རིག་( Modern History and Political Science) གཟིགས་ཏེ་སྤྱི་ལོ་ ༢༠༠༧  ལུ་གཙུག་ལག་གཞི་རིམ་དང་ ( Bachelors and Honorary )  གཙུག་ལག་གོང་མའི་( Master’s Degree ) ཤེས་ཡོན་མཐར་འཁྱོལ་ནུག། ད་རུང་སྤྱི་ལོ་ ༢༠༡༢ ནང་ལུ་ སིངྒ་པོར་ (Singapore) དང་ཕཱོན་ཊེན་བལིའུ་ཀེམ་པཱསི་ (Fontainbleau campuses)གི་ཨིན་སིཊི་ (INSEAD) ལུ་གར་དྲགས་ཀྱི་ཆོས་ཚན་ སྤྱིར་བཏང་འཛིན་སྐྱོང་དང་གྲུབ་འབྲས་དྲག་ཤོས་ལུ་འཕོ་སྒྱུར་( Transition to General Management and Leading for Results)གཉིས་གཟིགས་ནུག།

ཁོ་གིས་འབྲུག་པའི་སྐུ་སྲུང་དམག་མི་དང་གཅིག་ཁར་སྤྱི་ལོ་༢༠༠༣ ནང་འབྲུག་པའི་དམག་མི་ནང་འཛུལ་ནུག། རྒྱལ་སྲས་འཇིགས་རྒྱལ་ཨོ་རྒྱན་དབང་ཕྱུག་གིས་ཕྱག་ལཱ་ཁོ་རའི་སྐུ་མཆེད་ཚུ་དང་བགོ་བཤའ་རྐྱབ་ཡོདཔ་དང་ ཁོ་གིས་རྒྱལ་པོའི་སྐུ་ཚབ་སྦེ་རྒྱལ་ཁབ་ནང་དང་ཕྱི་རྒྱལ་ལས་ཕར་མང་སུ་སྦེ་འབྱོན་ནི་ཡོདཔ་ཨིན་མས། རྒྱལ་སྲས་མཆོག་གིས་སྤྱི་ལོ་ ༢༠༠༨ ལུ་་ ཨིསི་མིད་སོ་ནིཡཱན་ཕོལག་ལའིཕ་( Smithsonian Folk life Festival )རྒྱལ་སྤྱི་སྔར་སྲོལ་གྱི་སྲོལ་རྒྱུན་འགྲེམས་སྟོན་ དུས་སྟོན་ནང་གཟིགས་སྐོར་ལུ་བྱོན་ཏེ་དེ་ཁར་འཛོམས་མི་ཚུ་དང་གསུང་གྲོས་མ་གནང་པའི་ཧེ་མ་འགོ་བཙུགས་ཀྱི་གསུང་བཤད་ཅིག་གནང་ནུག། མཇུག་བསྡུ་ཁམས་ལུ་ཁོ་གིས་འཁྲབ་སྟོན་པ་དག་པ་ཅིག་དང་གཅིག་ཁར་ འབྲུག་གི་དུས་སྟོན་༢༠༠༨ ( Bhutan Festival 2008 ) དེ་ ཨི་ཨེལ་པ་སོ་ཊེག་སེསི་གི་གཙུག་ལག་སློབ་གྲྭ་( Univesity of Texas at El Paso) ནང་གཟིགས་པར་བྱོན་ནུག།

རྒྱལ་སྲས་མཆོག་རྒྱལ་ཚབ་དང་འབྲུག་ཨོ་ལིམ་པིག་ཚོགས་ཆུང་གི་སྲིད་འཛིན་ཅིག་འབདཝ་ལས་ཁོ་གིས་ ཀོ་པེན་ཧ་གེན་ལུ་ ( Copenhagen ) ་སྤྱི་ལོ་ ༢༠༠༩ གི་ ཨོ་ལིམ་པིག་འཛོམས་འདུ་(Olympic Congress ) ཐེངས་ ༡༣ པ་དེ་གཟིགས་པར་བྱོན་ནུག། ཨ་ཤ་ག་བཱད་དང་ཊག་མི་ནོཊཱན་(Ashagabat, Turkmenitan) ལུ་ཚོགས་ཡོད་པའི་ ཨེ་ཤི་ཡ་གི་ཨོ་ལིམ་པིག་ཚོགས་སྡེ་(Olympic Council of Asia) གི་སྤྱི་ཚོགས་ཐེངས་ ༣༤ པའི་ནང་ལུ་ རྒྱལ་སྲས་མཆོག་་སྤྱི་ཚོགས་ཀྱི་ཁྲི་འཛིན་སྦེ་བཀལ་ཡོདཔ་ལས་སྤྱི་ལོ་ ༢༠༡༥ ལས་སྤྱི་ལོ་ ༢༠༡༩ ཚུན་ལོ་ངོ་བཞི་གི་རིང་ལུ་ཕྱག་ཞུ་དགོཔ་སྦེ་ཨིན་མས། ༼འབྲུག་པའི་ཨོ་ལིམ་པིག་ཚོགས་ཆུང་གིས་ སྤྱི་ལོ་ ༢༠༡༨ སྤྱི་ཟླ་ ༡༠ པའི་སྤྱི་ཚེས་ ༩ ལས་རྒྱལ་ཡོངས་ཀྱི་ཨོ་ལིམ་པིག་ཚོགས་ཆུང་གི་འཐུས་མི་ ( Candidature ) དེ༌ ཨེན་ཨོ་སི་(NOC ) དང༌འབྲེལ་བ་ཡོདཔ་སྦེ་ དེ་ཡང་འབྲུག་པའི་ཨོ་ལིམ་པིག་ཚོགས་ཆུང་ཨིན་མི་ནང་བཙག་འཐུ་འབད་ནུག།༽ ཁོ་གིས་རྒྱལ་པོའི་སྐུ་ཚབ་དང་འབྲུག་ཨོ་ལོམ་པིག་ཚོགས་ཆུང་གི་སྲིད་འཛིན་སྦེ་རྫོང་ཁག་ཉི་ཤུ་གི་གཉའ་རྒོད་ག་ར་དང་མཇལ་ཕྲད་གནང་ནུག།

ཁོ་དང་ཁོ་རའི་སྐུ་མཆེད་ཕོ་རྒནམ་དང་ནུ་གཅུང་ཚུ་ག་ར་རྩེད་རིགས་ནང་སྤྲོ་བ་ཡོད་མི་ཨིན་མས། དེ་ཡང་ཁོང་ཚུ་གིས་རང་ལུགས་ཀྱི་མདའ་རྩེད་དང་ཕྱི་རྒྱལ་གྱི་དྲྭ་རིལ་རྩེདམོ། རྒྱུག་རྩེད། རྐང་རིལ་རྩེདམོ་དང་རྐང་འཁོར་རྩེདམོ་ཚུ་རྩེད་ནི་ཡོདཔ་ཨིན་མས། ཁོ་གིས་འབྲུག་ལུ་སྤྱི་ལོ ༢༠༡༠ ནང་ འབྲུག་གི་གནས་སྐོར་( Tour of the Dragon ) ཟེར་མི་ལས་རིམ་ཅིག་ རྒྱལ་ས་ལྟེ་བ་ལས་རྒྱལ་ཁབ་ཀྱི་ནུབ་ཕྱོགས་ཚུན་ས་ཆ་ཀི་ལོ་མི་ཊར་ ༢༦༨ ཚུད་མི་ནང་ བག་བག་གཏང་ནི་འགྲན་བསྡུར་འགོ་བཙུགས་ནུག།

རྒྱལ་སྲས་ཁོ་རའི་ཨ་ཞེམོ་ཨ་ཞེ་བསོད་ནམས་བདེ་ཆེན་དབང་ཕྱུག་དང་གཅིག་ཁར་ཏཱ་ར་ཡ་ན་ཚོགས་པ་གི་བཀོད་ཚོགས་འཐུས་མི་སྦེ་ཕྱག་ཞུཝ་ཨིན་མས། ཚོགས་པ་དེ་ཡང་ཁོང་རའི་ཡུམ་རྒྱལ་ཡུམ་ཨ་ཞེ་རྡོ་རྗེ་དབང་མོ་དབང་ཕྱུག་གིས་གཞི་བཙུགས་གནང་ཡོདཔ་དང་། དེ་ཡང་ཚོགས་པ་དེ་གིས་འབྲུག་ལུ་དབུལ་ཕོངས་ཀྱི་དཀའ་ངལ་སེལ་ཐབས་ལུ་དམིགས་ཏེ་གཞི་བཙུགས་མཛད་གནང་གནངམ་ཨིན་མས། རྒྱལ་སྲས་ཀྱིསཏཱ་ར་ཡ་ན་ཚོགས་པ་གི་དོན་ལུ་ བོ་ཊཱན་ཕི་ལཱན་ཊོ་ཕི་ཛེན་ཅར་ (Bhutan philanthropy ventures ) ཟེར་ མི་མང་ལུ་ཕན་ཐོགས་པའི་ཚོང་ལཱ་ཅིག་གཞི་བཙུགས་མཛད་གནང་ཡོདཔ་ཨིན་མས།

རྒྱབ་རྟེན།

Wiki (ལོ་མེད) Jigyel Ugyen Wangchuk https://en.mwikipedia.org