Defnyddir y term memyn rhyngrwyd i gyfeirio at gysyniad sy'n ymledu ar draws y rhyngrwyd.
Mae memynnau yn ffenomenau firaol a ledir gan eu bod yn cael eu hystyried yn ddiddorol, yn ddoniol, neu fel arall yn haeddu sylw, hyd yn oed os ydynt yn ddadleuol neu'n bryfoclyd, megis fideo'r gân "Friday" a ganir gan Rebecca Black. Caiff dolenni at femynnau eu rhannu gan ddefnyddwyr y rhyngrwyd trwy e-bost, negeseua sydyn, fforymau a negesfyrddau, rhwydweithio cymdeithasol ar-lein, a chymunedau ar-lein eraill.
Mae gwefannau a gysylltir â memynnau yn cynnwys 4chan, Digg, a reddit. Mae YouTube yn gartref i nifer fawr o fideos firaol, megis y fideo ar gyfer y gân "Never Gonna Give You Up" gan Rick Astley a ddefnyddir fel jôc baetio-a-newid o'r enw "Rickrolling".
Gall memynnau gael eu dechrau fel modd o hysbysebu a marchnata firaol. Enillodd y ffilm Snakes on a Plane boblogrwydd trwy'r dull hwn.
Mae nifer o femynnau yn jôcs mewnol cymunedau ar-lein sydd weithiau'n ymledu i'r rhyngrwyd ehangach. Gall memynnau o'r fath darddu o gyfryngau adnabyddus (megis "THIS IS SPARTA", sy'n gyfarwydd i unrhyw un sydd wedi gweld y ffilm 300) neu o darddiad anadnabyddus (megis "LOL WUT"). Oherwydd natur yr ail fath o femynnau, gallent ymddangos yn swreal i bobl sydd ddim yn gyfarwydd â hwy.
This article uses material from the Wikipedia Cymraeg article Memyn rhyngrwyd, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Rhoddir testun y dudalen ar gael ar delerau'r drwydded CC BY-SA 4.0, heblaw ei fod wedi nodi'n wahanol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Cymraeg (DUHOCTRUNGQUOC.VN) is an independent company and has no affiliation with Wiki Foundation.