Сементер Юрий Семёнович
Юрий Сементер (1941 çулхи кăрлачăн 2-мĕшĕ, Танăш ялĕ, Красноармейски районĕ, Чăваш АССР çур.) — чăваш сăвăçи, тăлмачĕ.
Ку терминăн урăх пĕлтерĕшсем пур, Сементер (пĕлтерĕшĕсем) пăхăр.| Юрий Семендер | |
 | |
| Çуралнă вăхăт: | Кăрлач, 2, 1941 |
|---|---|
| Çуралнă вырăн: | Танăш ялĕ, Трак ен районĕ, Чăваш АССР |
| Ĕçлев тĕсĕ: | чăваш сăвăçĕ тата тăлмачĕ |
| Ĕçсен чĕлхи: | чăваш |
| Парнесем: | Çеçпĕл Мишши парни (1983) Нестер Янкас парни (1996) Фатых Карим парни (2002). |
| Чыславсем: | «Çарти хастарлăхшăн» медаль (1970) ЧАССР Аслă Канашĕн Президиумĕн Хисеп хучĕ (1984) Чăваш халăх сăвăçи (1999 ç.) Чăваш Республики культурин тава тивĕçлĕ ĕçченĕ (1988 ç.)  |
СССР ÇП пайташĕ (1973 ç.), Чăваш халăх сăвăçи (1999 ç.), Чăваш Республикин тава тивĕçлĕ культура ĕçченĕ (1988 ç.).
Пурнăçĕ
Юрий Семенов Красноармейски районĕнчи Танăш ялĕнче 1941 çулхи кăрлачăн 2-мĕшĕнче çуралнă. Кĕçĕн Шетмĕри çиччĕ çул вĕренмелли, Красноармейскинчи вăтам шкулсенче пĕлӳ пухнă.
Вăтам пĕлӳ илнĕ çамрăк Çĕрпӳри культурăпа çутĕç училищинче вĕренет, Чăваш патшалăх университетне вĕренме кĕрет. 1960-1963 тата 1969-1971 çулсенче çар хĕсметĕнче тăнă.
1964 çулта Чатукассинчи клуб заведующийĕ вырăнĕнче, 1964-1966 çулсенче Çĕрпӳ комсомол райкомĕн пай пуçлăхĕнче, 1966-1969 çулсенче Çĕрпӳ район хаçачĕн ĕçтешĕ пулса ĕçленĕ. 1971-1973 çулсенче Чăваш кĕнеке издательствин илемлĕ литература редакторĕ, аслă редакторĕ, редакцисен пуçлăхĕ пулнă. 1974 çултанпа — «Ялав» журналăн тĕп редакторĕ.
Литература ĕçне шкул çулĕсенче тытăннă, малтанхи сăввисене хаçатсенче тата «Ялав» журналта (1958) пичетленĕ. Унтанпа Ю. Сементер çирĕм пиллĕк кĕнеке пичетлесе кăларнă. Вĕсенчен паллăраххисем: «Тупа» (1972), «Аван-и, салтак» (1981), «Чĕнтĕрлĕ кĕпер» (1998), «Хуркайăк çулĕ» (2002).
1975-1980 çулсенче — РСФСР çыравçисен пĕрлешĕвĕн ревизи комиссин пайташĕ, Шупашкар хула канашĕн депутачĕ.
Ялав журнал тĕп редакторĕнче ĕçленĕ.
Харпăр пурнăçа илес пулсан, унăн Людмила Юрьевна хĕрĕ пулни паллă, вăл Шупашкар хулин В. Маяковский ячĕллĕ тĕп библиотекинче ĕçлет; поэтăн кĕрÿшĕ Владимир Калистратович — телемастер. Мăнукĕ, Баклушин Константин Владимирович, 2001-мĕш çулхи ноябрĕн 4-мĕшĕнче çуралнăскер, контрактпа çар хĕсметĕнче тăнă, 2022-мĕш çулхи мартăн 8-мĕшĕнче, ятарлă çар операцийĕ пынă май, Киев облаçĕнче паттăррăн пуç хунă.
Пултару ĕçĕсем
Ю.Сементер сăвă, юрă, поэма, либретто тата илемлĕ куçару ĕçĕнче те палăрнă.
- Пирĕн вăйа карти: сăвăсем. Шупашкар. 2005. ISBN 5-7670-1423-X
Чыславсемпе парнесем
- Çеçпĕл Мишши парни (1983),
- Нестер Янкас парни (1996),
- Фатых Карим парни (2002).
Сăвăçа ЧАССР Аслă Канашĕн Президиумĕн Хисеп хучĕпе (1984), Туслăх орденĕпе (1996), «Çарти хастарлăхшăн» медальпе (1970) чысланă.
Вуламалли
- «Чăваш литературин антологийĕ», составители: Д. В. Гордеев, Ю. А. Силэм. Шупашкар, 2003. ISBN 5-7670-1279-2 .
Асăрхавсем
Каçăсем
This article uses material from the Wikipedia Чăваш article Сементер Юрий Семёнович, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Урăххине кăтартман пулсан ку материал CC BY-SA 4.0 лицензипе килĕшӳллĕн сарăлать. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Чăваш (DUHOCTRUNGQUOC.VN) is an independent company and has no affiliation with Wiki Foundation.