Коков Валерий Мухамедович, — Кабардино-Балкари Республикине виçĕ президент тапхăрĕ хушшинче ертсе пынă президент.
1941 çулхи юпа уйăхĕн 18 Кабардино-Балкари Республикинчи Тырныауз хулинче çуралнă. Кабардин. 2005 çулхи юпа уйăхĕн 29 чирленĕ хыççăн Мускавра вилнĕ.
1964 çулта Кабардино-Балкарин патшалăх университетне вĕренсе пĕтернĕ. Çавăн пекех Пĕтĕм союзри ял хуçалăх экономикин ăслăлăхпа тĕпчев институчĕнче аспирантурăна, 1978 çулта заочлă майпа Ростов-На-Дону хулара вырнаçнă ЦК КПССăн аслă парти шкулне пĕтернĕ.
Хăйĕн ĕçне Баксан районĕнчи «Трудовой горец» ятлă колхозра агроном вырăнĕнче пуçланă. 1990-1991 çулсенче Кабардино-Балкари АССРăн Верховный Совечĕн председателĕ пулнă. 1991 çултанпа Кабардино-Балкари АССРăн Министрсен совечĕн председатĕлĕн пĕрремĕш çумĕ пулнă.
1992 çулта халăх Валерий Кокова Кабардино-Балкари Республикин президентне суйласа илнĕ. 1997 çулхи кăрлачăн 12 ăна иккĕмĕш срока, 2002 çулхи кăрлач уйăхĕнче виççĕмĕш срока суйласа илнĕ. Унăн кандидатурине суйлавçăсен 80% ытла хăйсен сассине панă.
This article uses material from the Wikipedia Чăваш article Коков Валерий Мухамедович, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Урăххине кăтартман пулсан ку материал CC BY-SA 4.0 лицензипе килĕшӳллĕн сарăлать. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Чăваш (DUHOCTRUNGQUOC.VN) is an independent company and has no affiliation with Wiki Foundation.