Mamut Dibağ
Mamut Dibağ (1905 - 1942) - qırımtatar yazıcısıdır.
| Mamut Dibağ | |
|---|---|
| Doğğan künü | 1905 |
| Doğğan yeri | |
| Ölgen künü | 1942 |
| Ölgen yeri | |
| Memleketi | |
| Zenaatı | yazıcı |
Mamut Dibağ 1905 senesi Bağçasarayda doğdı. Gazeta ve mecmua muarririyetlerinde çalıştı. Edebiyat alemine 1938 senesi yazğan “Kontsert” serlevalı ikâyesinen çıqtı. Bu ikâye Qırım gazetaları, yazıcılar birligi ve Devlet neşriyatı tarafından ötkerilgen edebiy yarışta qayd etildi ve ekinci mukâfatnı aldı. Bundan soñ, Mamut Dibağ “Kökten zembilnen engenler”, “Ferat”, “Taş dudu”, “Musafirniñ peşinden”, “Balqurtlar” kibi ikâyelerni ve “Gizli nişan” pyesasını yazdı. Mamut Dibağ nefislik ceetinden özüne has usulnen pişkin eserler yazıp başlağan istidatlı yazıcı edi.
Ulu Vatan cenki başlağanınen qoluna silâ alıp, cebege ketti, vatanınıñ azatlığı oğrunda küreşti, 1942 senesi Aqyarda elâk oldı.
This article uses material from the Wikipedia Qırımtatarca article Mamut Dibağ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Başqası bildirilmese, malümat CC BY-SA 4.0 litsenziyasınen berile. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Qırımtatarca (DUHOCTRUNGQUOC.VN) is an independent company and has no affiliation with Wiki Foundation.