Ali Aliyev (1955 s.
doğ.) — qırımtatar; Şuralar Birligi, Özbekistan, AQŞ fizikacısı, fizika-matematika ilimleri doktorı, Nanotehnologiyalar institutınıñ professorı, Dallastaki Tehas universiteti Tabiiy ilimler ve matematika mektebiniñ fizika fakultetiniñ adyunkt-professorı. 2011 senesi «Time» mecmuası tarafından «yılnıñ keşfiyatçısı» olaraq tanılğan edi.
Ali Aliyev | |
---|---|
Doğğan künü | 1955 |
Zenaatı | fizikacı |
Aktual ilmiy saalar — nano-ilim ve nano-tehnologiyalar, elektrohromizm ve akustika. Ali Aliyevniñ Ameriqa Qoşma Ştatlarınıñ patent ve ticariy belgi idaresinden (USPTO) bir çoq icatnıñ patentlerini aldı.
Ali Aliyev Özbekistan Şuralar Sotsialistik Cumhuriyetiniñ paytahtı olğan Taşkent şeerinde, qırımtatar qorantasında doğdı. Babası Enver — Aqmescitli, Sotsialistik Emekniñ qaramanı; anası Okaz — Aluşta rayonındaki Körbekül köyünden.
1977 senesi Harkov milliy radioelektronika universitetiniñ radiotehnika fakultetini imtiyaznen bitirdi. 1984 senesi Özbekistan İlimler Akademiyasınıñ termal fizika kafedrasında Aliyev fizika-matematik ilimler (kütletenli ve kvant fizikası) namzeti derecesini aldı. 1992 senesi fizika-matematik ilimler (qattı cisim fizikası) doktorı oldı. 1988-2004 seneleri Özbekistan İlimler Akademiyasınıñ termal fizika kafedrasında çalışa edi. 1992-2004 seneleri bu bölükniñ fizika-akustika laboratoriyasınıñ müdiri edi. 2004 senesinden başlap, Dallastaki Tehas universitetinde proffessor ilmiy unvanını aldı.
Ali Aliyev 100-den ziyade ilmiy maqale yazdı; nano-ilim ve nano-tehnologiyalar saasında onıñ 13 icatnıñ patenti bar. Olarnıñ arasında közge körülmegen yağmurlıqnıñ patenti
Elvira Umerova ile evli, eki qızı bar.
This article uses material from the Wikipedia Qırımtatarca article Ali Aliyev, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Başqası bildirilmese, malümat CC BY-SA 4.0 litsenziyasınen berile. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Qırımtatarca (DUHOCTRUNGQUOC.VN) is an independent company and has no affiliation with Wiki Foundation.