Üsein Bodaninskiy
Üsein Abdurefi oğlu Bodaninskiy (*1877 - 1938 çeçek ayınıñ 17) - qırımtatar medeniyetiniñ ulu erbabı, ressam-dekorator, qavmiyatçı, tarihçı, müzey hadimi.
Bağçasaray Hansaray müzeyiniñ esasçısı ve ilk müdiri.
| Üsein Bodaninskiy | |
|---|---|
| Doğma adı | Üsein Abdurefi oğlu Bodaninskiy |
| Doğğan künü | 1 (13) dekabr 1877 |
| Doğğan yeri | |
| Ölgen künü | 1938 aprel 17 (60 yaşında) |
| Ölgen yeri | |
| Memleketi | |
| Zenaatı | sanatkâr, sanatşınas, tarihçı, ethnologist, museologist |
Tercimeiyal
Aqmescit yanındaki Badana köyünde Aqmescit halq tatar oquv yurtunıñ ocasınıñ ailesinde doğdı. Moskvada ressamlığını ögrene edi, soñra Paris, İstanbul, Drezden ve Sankt-Peterburgta ressam-dekorator olıp çalışa edi. Yigirmi yıl içinde Qırım tışında yaşamaqta edi ve yarımadağa ağanıñ ricası ile qaytqan. Vatandaki içtimaiy ayatına deral qatnağan, Qurultay murahhası olıp ve Bağçasarayda yerleşip özüni halqınıñ tarih ve qavmiyatını tetqiq etüvge bağışladı. Baştan mında qadimiy abidelerni qoruv ve saqlavnen oğraşqan Petrograd ortaqlığınıñ Bağçasaray merkezini tesis ete. Soñra ise, 1917 senesi orta küz ayında Han sarayında teşkil etilgen müzeyniñ müdiri ola.
Basqılar
1934 senesi Bodaninskiyni vazifeden çıqardılar.
1935-1937 seneler içinde Moskva ve Tifliste tesadüfiy qazançlar ile qıt qanaat keçine edi. Lâkin 1937 senesi akisinqilâbiy milletçilik teşkilâtında iştiragı ve ecnebiy istihbaratına işbirliginen qabaatlanıp tevqif etilgen. 1938 senesi çeçek ayınıñ 17-sinde qırımtatar medeniyeti diger ulu erbaplarınen beraber Aqmescitte qurşunğa tizilgen.
This article uses material from the Wikipedia Qırımtatarca article Üsein Bodaninskiy, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Başqası bildirilmese, malümat CC BY-SA 4.0 litsenziyasınen berile. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Qırımtatarca (DUHOCTRUNGQUOC.VN) is an independent company and has no affiliation with Wiki Foundation.