Rus Tili

Rus tili Qazaq tili русский язык
Memleketler:	Rusiye, Belarus, Ukraina, Qazahistan, Qırğızistan, Moldova
Resmiy status:	Rusiye, Belarus, Qazahistan, Qırğızistan, Pridnestrovye, Abhaziya, Cenübiy Osetiya
Laf etken sayısı:	164 million (birinici til), 114 million (ekinci til)
Sıralama:	4—7
Sınıflaştırma
Kategoriya:	Slavân tilleri
İnd-Avropa tilleri Slavân tilleri Şarkiy Slavân tilleri Rus tili
Elifbe:	Kiril elifbesi
Til kodları
ISO 639-1:	ru
ISO 639-2:	rus
ISO 639-3:	rus
Vikipediyanıñ Rusça bölügi bar

Şimdiki künde rus tili Rusiyeden ğayrı bir çoq sabıq ŞSCB memleketlerinde de qullanıla. 20-nci asırda siyasiy ceetten emiyetli tillerden birisi olaraq rusça, Birleşken Milletlerniñ de resmiy tilidir.

Ukrain ve Belarus tilleri rusçağa eñ yaqın tillerdir. Ukraina ve Belarusnıñ şarqiy ve cenübiy rayonlarında da rusça laf etile. Rus tiliniñ peyda olmasında şarqiy slavân şivesi olğan Novgorod şivesiniñ büyük emiyeti olğanı sanıla. Rus tilinde ariflerni yımşatmaq ve qattılaştırmaq içün hususiy arifler bardır. Bular ь ve ъ arifleridir. Ь, ögüne kelgen arifniñ yımşamasına, ъ ise ögüne kelgen arifniñ qattılaşmasına yardımcı ola.

Rus tiliniñ eñ çoq qullanılğan memleketler Rusiye, Ukraina, Qazahistan ve Belarustır. Başqa sabıq Sovetler Birligi memleketlerinde de laf etile. Sovetler Birligi tarqalğanda çeşit rayonlardaki milletler öz tillerini qullanmağa siyaset keliştirseler de, rusçanıñ emiyeti alâ da bitmegendir. Resmiy olmağan yerlerde mekteplerde rus tili ögretile. Rusça söyleşken 750 000 İsrailli de bardır, bular Rusiyeden İsrailge köçken yeudilerdir.

Rusça 33 ariften meydanğa kelgen ve kiril elifbesiniñ rus tiline uyğunlaştırılğan türüni qullanıp yazıla.

Аа /a/ Бб /b/ Вв /v/ Гг /g/ Дд /d/ Ее /ʲe/ Ёё /ʲo/ Жж /ʒ/ Зз /z/ Ии /i/ Йй /j/ Кк /k/ Лл /l/ Мм /m/ Нн /n/ Оо /o/ Пп /p/ Рр /r/ Сс /s/ Тт /t/ Уу /u/ Фф /f/ Хх /x/ Цц /ʦ/ Чч /ʧ/ Шш /ʃ/ Щщ /ʃː/ Ъъ /'/ Ыы /ɨ/ Ьь /ʲ/ Ээ /e/ Юю /ʲu/ Яя /ʲa/

 

Wiki Commons saytında
Rus tili ile bağlı kategoriya bar.