Estorian Chamoru
Umestoria un kostumbre ni ma'usa fama'na'gue, umeksplika, pat pot dibetsion.
Ti masasangan na anggen guåha estorian fama'na'gue ti siña ha estoria dibetsion pat umeksplika. I mayot na estoria siha ma na'daña i tres na kategoria.
Guåha i kostumbren umestoria giya i Islas Mariånas ginen i eran åntes di manmamatto i Gilagu siha, ya ha kontinuha asta på'gu. I mayot na estoria siha gi fino'Chamoru, ginen i mañaina annai ma sangani i famagu'on-ñiha ni estoria. Entonses, guåha leksion-ñiha gi finakpo' meggai na estoria siha (mafa'na'an "ihemplo" lokkue'). Sinembatgo, fihu ma'usa i estoria siha muna'apmam i kuttura, i hinengge, yan i kostumbre ginen i antigu na tiempo.
Estoria Para Fama'na'gue
Unos kuantos na estorian Chamoru ma usa para fama'na'gue un leksion (un ihemplo). Tenga, guåha un påtgon ni ti ha osge i saina-ña, ya entonses guåha na binaba na humuyongña. Tatkomu, i estorian "Sirena". Si Sirena ti ha tungo' manosge, pues i nana-ña ha kahnåyi gue', "Sottera un fama'guihan." Ya på'go, ti siña si Sirena humoyong i tasi.
Estoria Para Umeksplika
Guåha otru na klase estorian Chamoru ni ma usa para u fanoppe i finaisen "Sahafa...?" Tatkomu, i estorian "Håfa Taimanu Mafa'tinas-ña i Taotao" pat "Puntan Dos Amåntes." I fine'nena na estoria ha eksplika i fina'tinas i taotao siha, mientras i mina'dos na estoria ha eksplika håfa taimanu ma fa'na'an i sitio "Puntan Dos Amåntes."
Estorian Dibetsion
Guåha lokkue' estorian dibetsion gi kostumbren umestoria. Tatkomu i estorian "Halu'u" pat "Gadao" ni guåha hemplon minatatngan yan minetgot i taotao siha.
Estorian Taotao Chamoru
- Estorian Niyok
- Håfa na Manggeftao i Taotao Chamoru
- Håfa Taimanu na Ma Fa'na'an i Trongkon Atbot Det Fuegu
- Håfa Taimanu Mafa'tinas-ña i Taotao
- Si Santa Maria ni Ha Na'para i Dangkolon Guihan
- Maga'låhi Gådao
- Maga'låhi Gådao yan i Embeste
- Maga'låhi Gådao yan i Tres na Ginagao
- Puntan Dos Amåntes
- Si Guali'ek yan i Ga'ña Gå'ga Hayu
- Si Halu'u yan i Dangkolon Gå'ga Tåsi
- Si Juan Mala
- Si Sirena
- Maigo' Yan I Fetgon Gapotilu-ña I Patgon Palao'an
- Håfa Na Dinga' I Hila' I Hilitai
- Puntan Påtgon
- Håfa Taimanu I Mañottera Annai Masåtba Guåhån
- I Fakpi Yan I Chungi
- I Tutuhon I Trongkon Lemmai
- Estorian Åcho' Ålupang
- I Estorian I Ñamu
- Si Chaife
- U Matulaika Magågu I Guaka Yan I Karabao
This article uses material from the Wikipedia Chamoru article Estorian Chamoru, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Chamoru (DUHOCTRUNGQUOC.VN) is an independent company and has no affiliation with Wiki Foundation.