Mìng-Nàng-Ngṳ̄
Mìng-nàng-ngṳ̄ (閩南語, Bân-lâm-gí) iâ hô̤ lā̤ Mìng-nàng-uâ (閩南話) hĕ̤k-ciā Â-nàng-uâ (下南話), sê Háng-ngṳ̄-cŭk Mìng-ngṳ̄-ciĕ â-dā̤ gì siŏh cṳ̄ng ngṳ̄-niòng.
Ciā ngṳ̄-niòng iâ sê sāi-ê̤ṳng ìng-só có̤i sâ̤, īng-hiōng-lĭk có̤i duâi gì Mìng-ngṳ̄-ciĕ gì ngṳ̄-niòng. Mìng-nàng-ngṳ̄ huák-nguòng-dê sê Ciòng-ciŭ gâe̤ng Ciŏng-ciŭ, dáng-sê ĭng-ôi Â-muòng gì céng-dê gĭng-cá̤ dê-ôi, Â-muòng-kiŏng ék-buăng ké̤ṳk nè̤ng nêng-ùi sê biĕu-cūng.
| Mìng-nàng-ngṳ̄ | |
|---|---|
| Bân-lâm-gú/Bân-lâm-gí/閩南語 | |
| Huák-nguòng guók |  Dṳ̆ng-guók,  Dài-uăng,  Hiŏng-gē̤ng,  Mā-lài-să̤-ā,  Sĭng-gă-pŏ̤... |
| Sāi-ê̤ṳng dê-kṳ̆ | Dṳ̆ng-guók Hók-gióng nàng-buô, Guōng-dĕ̤ng dĕ̤ng-buô, Ciék-gŏng nàng-buô gâe̤ng Dài-uăng |
| mū-ngṳ̄ sāi-ê̤ṳng-ciā | 4900 uâng |
| ngṳ̄-hiê | Háng-Câung ngṳ̄-hiê
|
| ùng-cê hiê-tūng | Háng-cê Băh-uâ-cê |
| Guăng-huŏng dê-ôi | |
| guăng-huŏng ngṳ̄-ngiòng | Dṳ̆ng-huà Mìng-guók |
| sìng-nêng gì siēu-só ngṳ̄-ngiòng | Dṳ̆ng-huà Mìng-guók gì gău-tŭng ông-sók ngṳ̄-ngiòng |
| Guāng-lī gĭ-gáiu | Dṳ̆ng-huà Mìng-guók Gáu-ṳ̆k-buô |
| ngṳ̄-ngiòng dâi-mā | |
| ISO 639-3 | nan |
| Glottolog | minn1241 |
| Linguasphere | 79-AAA-j |
 Mìng-nàng-ngṳ̄ sāi gì dê-huŏng | |
Dê-lī hŭng-buó
Mìng-nàng-ngṳ̄ hŭng-buó diŏh Mìng-nàng gì Ciòng-ciŭ, Â-muòng gâe̤ng Ciŏng-ciŭ, Dài-uàng duâi buô-hông dê-kṳ̆, Guōng-dĕ̤ng dĕ̤ng-buô gì Dièu-Sáng dê-kṳ̆ gâe̤ng Lòi-ciŭ buáng-dō̤ (Dièu-ciŭ-uâ), Hāi-nàng-dō̤, Mìng-să̤ gì Lṳ̀ng-ngàng chê-kṳ̆ gâe̤ng Ciŏng-bìng, Mìng-dĕ̤ng gì Hók-dīng, Ciék-gŏng nàng buô Chŏng-nàng, Bìng-iòng, Dông-tàu dê-kṳ̆, lièng Nàng-iòng gì Huà-ìng iè-mìng siâ-kṳ̆.
Lò̤-mā-cê
Ciō dèu-mŭk: Băh-uâ-cê
Ké̤ṳk Mìng-dĕ̤ng-ngṳ̄ gì Bàng-uâ-cê siŏh-iông, Mìng-nàng-ngṳ̄ iâ ô cê-gă gì lò̤-mā ùng-cê, hô̤ lō̤ Băh-uâ-cê.
Mìng-nàng-ngṳ̄ găk Dài-uàng
Dài-uàng gì Mìng-nàng-ngṳ̄ gâe̤ng Hók-gióng gì Â-muòng kiŏng iā chiông. Găk Dài-uàng, Mìng-nàng-ngṳ̄ iâ hô̤ lō̤ „Dài-ngṳ̄“ (臺語), „Dài-uàng-uâ“ (臺灣話) gâe̤ng „Holo-uâ“.
Ĭng-ôi céng-dê gì nguòng-ĭng, ô siŏh piĕ Dài-uàng-nè̤ng nêng-ùi „Dài-ngṳ̄“ ng-sê „Mìng-nàng-ngṳ̄“. Ĭ-gáuk-nè̤ng gì lī-iù sê, hiêng-gĭng gì „Dài-ngṳ̄“ ī-gĭng téng Nĭk-ngṳ̄ dēng nguôi-ngṳ̄ diē-sié cióh-ĭk iā sâ̤ sṳ̀-ngṳ̄. Dáng-sê, cī cṳ̄ng gōng-huák mò̤ dáik diŏh Ngṳ̄-ngiòng-hŏk-gái gì sìng-nêng.
This article uses material from the Wikipedia Mìng-dĕ̤ng-ngṳ̄ article Mìng-nàng-ngṳ̄, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Nā bô lēng-gōa kóng, chiàu CC BY-SA 4.0 thang īng. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Mìng-dĕ̤ng-ngṳ̄ (DUHOCTRUNGQUOC.VN) is an independent company and has no affiliation with Wiki Foundation.