Mìng-Dĕ̤ng-Ngṳ̄ Báe̤k-Piéng
Mìng-dĕ̤ng-ngṳ̄ Báe̤k-piéng (閩東語北片), iâ hô̤ lā̤ Hók-nìng-piéng (福寧片), sê Mìng-dĕ̤ng-ngṳ̄ gì siŏh ciáh huŏng-ngiòng piéng-kṳ̆.
Sāi ciā piéng-kṳ̆ gì huŏng-ngiòng gì nè̤ng ciō-iéu diêu diŏh gô-dā̤ gì Hók-nìng-hū hŭ-uái, iâ cêu sê ăk gĭng-dáng Hók-gióng dĕ̤ng-báe̤k buô gì Nìng-dáik dṳ̀ kó̤ chê-kṳ̆, Kŭ-chèng gâe̤ng Bìng-nàng cĭ ngôi gì dê-huŏng, bău-guák Hók-ăng, Hà-puō, Ciá-ìng, Hók-tīng, Sêu-nìng gâe̤ng Ciŭ-nìng. Chŭi-iòng-gōng diŏh lĭk-sṳ̄ gà̤-dēng Hà-puō ciáh sê Hók-nìng-hū gì hèng-céng dṳ̆ng-sĭng, dáng-sê ôi-dé ô nék-giāng piék; gău-tŭng huŏng-biêng gì Hók-ăng sê gĭng-cá̤ gâe̤ng ùng-huá gì dŭng-sĭng, īng-hiōng-lĭk có̤i duâi. Gó-chṳ̄ gĭng-dáng nè̤ng ciŏng Hók-ăng-uâ dóng Báe̤k-piéng gì dâi-biēu huŏng-ngiòng.
Báe̤k-piéng bō̤-làu iā sâ̤ gô-dā̤ Mìng-dĕ̤ng-ngṳ̄ gì ĭng, gâe̤ng Nàng-piéng gău-liù ô káung-nàng. Nìng-dáik chê-kṳ̆ tūng-ê̤ṳng gì Nìng-dáik-uâ, nguòng-lài sê sṳ̆k Báe̤k-piéng gì, gĭng-dáng ī-gĭng gāi siàng sṳ̆k Nàng-piéng lāu.
Huŏng-ngiòng
- Hók-ăng-uâ
- Hà-puō-uâ
- Ciá-ìng-uâ
- Hók-tīng-uâ
- Sêu-nìng-uâ
- Ciŭ-nìng-uâ
This article uses material from the Wikipedia Mìng-dĕ̤ng-ngṳ̄ article Mìng-dĕ̤ng-ngṳ̄ Báe̤k-piéng, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Nā bô lēng-gōa kóng, chiàu CC BY-SA 4.0 thang īng. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Mìng-dĕ̤ng-ngṳ̄ (DUHOCTRUNGQUOC.VN) is an independent company and has no affiliation with Wiki Foundation.