Southampton (distaget e saozneg) zo ur gêr vras eus kontelezh Hampshire, en arvor kreisteiz Bro-Saoz.
Emañ war-hed 120 km diouzh Londrez ha 30 km diouzh Portsmouth.
Tost emañ Southampton da dolead New Forest ha ur porzh bras eo. Emañ e goueled ur pleg-mor anvet Southampton Water. Eus ar porzh-se e loc’has ar lestr Titanic e 1912, a-raok mont d'ar strad nepell diouzh an Douar-Nevez.
Emañ kêr Southampton (Southampton City) e-kreiz un tolpad-kêrioù lesanvet Solent City, hag ennañ kêrioù evel Gosport, Fareham, Havant, Eastleigh, Portsmouth ha Southampton. Er gêr hec'h-unan ez eus 239 700 a annezidi (e 2010). En tolpad-kêrioù ez eus ouzhpenn ur milion a annezidi ha gant-se ez eo unan eus toleadoù pobletañ Breizh-Veur. "Sotonian" a reer eus tud Southampton, diwar an anv "So'ton" pe "Soton", ur berradur skrivet a gaver a-wechoù e-lec'h "Southampton"
Dre ma oa ur porzh a bouez e voe bombezet Southampton meur a wech e-pad an Eil Brezel-bed ha distrujet e voe ul lodenn vras anezhi.
|
|
This article uses material from the Wikipedia Brezhoneg article Southampton, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Danvez a c'haller implijout dindan CC BY-SA 4.0 nemet ha notet e vefe ar c'hontrol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Brezhoneg (DUHOCTRUNGQUOC.VN) is an independent company and has no affiliation with Wiki Foundation.