Ar Vanifestadeg Unite the Right 2017 (lesanvet the Charlottesville rally) a oa bet ur vanifestadeg gant an Alt-right e Charlottesville (Virginia), e Stadoù-Unanet Amerika etre an 11 hag an 12 a viz Eost 2017.
Ar pal a oa enebiñ ouzh ar fed ma vefe lamet delwenn Robert Edward Lee eus ar gêr.
E-touez ar vanifesterien e oa dreistbeliourien wenn, broadelourien wenn, nevez-kengevredidi, nevez-Nazied, ha bezenoù armet.
Ar vanifestadeg a oa troet feuls pa voe kejet etre ar vanifesterien hag an enep-manifesterien. D'an 12 a viz Eost, o welet ar feulster o kreskiñ, gouarnour Virginia Terry McAuliffe a lakas e plas ar Stad a reuziad o lakaat war-raok e oa re a zañjer evit ar bobl hag e c'hellfe mont war washaat. Dindan un eurvezh, ar Virginia State Police a zisklêrie e oa difennet ar vanifestadeg dre ar feulster a oa enep lezenn a-berzh ar vanifesterien. Div eurvezh war-lerc'h, un den a vlenie un oto hag a flastre marvus ur vaouez (Heather Heyer) hag a gloaze 19 a dud all, an holl anezho enep-manifesterien.
Jeff Sessions penn ar justis stadunanat a embanne goude an darvoud e oa sponterezh hag a roe urzh da gregiñ gant un enklask diazezet war ar garg a "torfed kasoni". A-raok an dagadenn sponterezh ouzhpenn a dud gloazet a a oa bet, un 19 bennak e-pad an emgannoù straed. Daou archer a zo marvet goude an darvoud feuls pa voe kouezhet ur viñsaskell eus ar polis.
Rebechoù a oa bet savet a-enep ar prezidant Donald Trump dre ma ne veze ket bet skoet kreñv a-walc'h gantañ en e c'hentañ kemennadenn war ar vroadelourien wenn disklêriet en devoa nemetken e oa an darvoud awenet gant "hatred, bigotry and violence on many sides". En desped d'an tagadennoù mamm ar vaouez yaouank muntret (Susan Bro) he devoa skrivet dezhañ war Twitter:
“Thank you, President Trump, for those words of comfort and for denouncing those who promote violence and hatred [...]”.
An darvoud-se en deus bet lakaet war-raok an torr gouennel a vez er Stadoù-Unanet ha ne ya ket war zigresk.
This article uses material from the Wikipedia Brezhoneg article Manifestadeg Unite the Right 2017, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Danvez a c'haller implijout dindan CC BY-SA 4.0 nemet ha notet e vefe ar c'hontrol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Brezhoneg (DUHOCTRUNGQUOC.VN) is an independent company and has no affiliation with Wiki Foundation.