Li Wenliang: Medisin sinat, brudet evit bezañ klasket kelaouiñ an dud rak ar c'horonavirus e 2019 (1986-2020)
Li Wenliang (sinaeg: 李文亮), ganet d'an 12 a viz Here 1986 e Beizhen hag aet da Anaon d'ar 7 a viz C'hwevrer 2020 e Wuhan, a oa ul lagadour sinaat o labourat en Ospital kreiz Wuhan.
- Arabat droukveskañ gant Li Wenliang ar mestrc'hoarier echedoù.
Brudet eo bet evel kelaouer eus ar c'hleñved COVID-19 adalek an 30 a viz Kerzu 2019. Bet e oa o tivizout war WeChat gant 7 medisin all diwar-benn ur c'hleñved nevez o redek dre Wuhan. Siwazh evitañ e oa bet treuzkaset e skridoù dre an internet sinaat. D'an 3 a viz Genver 2020, polis Wuhan en doa harzet anezhañ ha rediet anezhañ da sinañ ur follenn a embanne e oa un dañjer evit an urzh sokial hag e lakae falskomzoù da redek. Li a oa distroet d'al labour ha kendalc'het da glask pareañ an dud. Tapet en doa ar c'hleñved ha marvet e oa d'ar 7 a viz C'hwevrer 2020.
Goude e varv
Ur wech marvet ar medisin Li e oa bet kounnaret-du an dud e Sina. En desped d'ar c'hontrolerezh er vro ez eus un toullad tud, dre an internet pe er straedoù, o lidañ aberzh an den hag o tagañ ar Strollad komunour hag an doare ma'z eo bet graet war-dro ar c'hleñved. Aon bras zo gant ar galloud sinaat e vefe marv Li evel hini Hu Yaobang, en devoa degaset Manifestadegoù ar blasenn Tiananmen e 1989.
Buhez prevez
Li a oa dimezet hag ur bugel a oa gant ar c'houblad a-raok ma errufe ar c'hleñved-red. Pa oa marvet an doktor Li e oa dougerez e wreg. Pa oa kroget da vezañ klañv, an doktor a oa aet da vevañ en un ostel evit chom hep kontammañ e familh a-raok bezañ kaset d'an ospital d'an 12 a viz Genver. Siwazh dezhañ e dud a oa klañv gant ar c'hurunviruz.
This article uses material from the Wikipedia Brezhoneg article Li Wenliang, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Danvez a c'haller implijout dindan CC BY-SA 4.0 nemet ha notet e vefe ar c'hontrol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Brezhoneg (DUHOCTRUNGQUOC.VN) is an independent company and has no affiliation with Wiki Foundation.