Charlie Hebdo

Ur gazetenn flemmus ha «republikan» eo Charlie Hebdo. Ar gazetenn zo graet eus pennadoù, a-wechoù rendaelez, ha tresadennoù fentus. Dre vras emañ a-enep an tu-dehou pellañ, an holl relijionoù, hag ar ouennelouriezh, hag ar yezhoù bihan, evel ar brezhoneg. E 2012 e veze embannet 42 000 skouerenn bep sizhun

1970-1981

Krouet e oa bet Charlie Hebdo e 1970 da heul Hara Kiri sizhuniek. Berzet e oa bet ar gazetenn-mañ e 1970 gant Raymond Marcellin, ministr an diabarzh, abalamour d'an titl goapaus dibabet goude marv Charles de Gaulle : « Bal tragique à Colombey - un mort ». Divizet en doa skipailh Hara Kiri cheñch neuze hec'h anv en Charlie Hebdo. Professeur Choron eo rener an embann ha François Cavanna ar penn-skridaozer.

Dont a ra an anv eus hini ar gelaouenn viziek Charlie, ur gelaouenn leun a vannoù treset, troet e gallek diwar meur a yezh.

Dave a ra da Charlie Brown, un den eus ar bannoù treset Peanuts, ha Charles de Gaulle.

An niverenn 580 a oa an hini ziwezhañ ar c'hentañ Charlie Hebdo. D'an 23 a viz Kerzu 1981 e oa paouezet an embann anezhañ dre ziouer a lennerien.

Abaoe 1992

Adembannet eo ar gazetenn d'an viz Gouere 1992 a-drugarez d'an arc'hant degaset gant an dreserien Gébé ha Cabu, ar c'hazetenner Philippe Val hag ar c'haner Renaud. Izili ar skipailh kentañ a gemer perzh en eil Charlie Hebdo : Cavanna, Siné, Georges Wolinski… Treserien ha kazetennerien yaouankoc'h a ya davet ar gazetenn : Charb, Tignous, Luz, hag ivez an ekonomour Bernard Maris.

E 1998 e oa bet embannet ur pennad lou biniou fascistou gant Cavanna.

D'an 8 a viz C'hwevrer 2006 e oa embannet tresadennoù Mohammed gant Charlie.

• Gwelout Lazhadeg ar Merc'her 7 a viz Genver 2015 e-ti Charlie Hebdo.

D'ar 7 a viz Genver 2015 e c'hoarvezas ur gwalldaol e burev Charlie Hebdo e-pad un emvod kelaouenniñ. Daou zen armet, ar vreudeur Kouachi, a yeas e-barzh an ti gant armoù AK-47 hag un RPG (Grenadenn Roketenn bannet). War a seblant e klaskent lazhañ rener ar gelaouenn dreist pep tra.

Daouzek den a voe drouklazhet gante ha 5 gwallaozet. Antronoz e oa bet kendalc'het gant al lazhadegoù e Pariz pa voe muntret pemp den all gant Amedy Coulibaly, ur c'hamarad d'an daou vreur Kouachi.

 

Manifestadegoù

• http://www.lemonde.fr/actualite-medias/article/2015/01/16/dans-plusieurs-pays-musulmans-des-milliers-de-manifestants-contre-les-caricatures-de-mahomet_4558063_3236.html

Un niverenn all zo bet goude ar gwalldaol:

• http://www.liberation.fr/societe/2015/01/12/mahomet-en-une-du-charlie-hebdo-de-mercredi_1179193

• D'ar merc'her 10 a viz mezheven ez eus bet un dresadenn o c'hoapaat kelenn ar brezhoneg, langue de plouc.

D'ar 2 a viz Gwengolo 2020 e krog prosez bras gwalldaolioù Charlie Hebdo hag an Hyper Casher.

• http://www.huffingtonpost.fr/2015/01/28/charlie-hebdo-humour-bete-mechant-banalise-blesse-nancy-huston_n_6564978.html?ncid=fcbklnkfrhpmg00000001

 

Muioc'h a restroù diwar-benn

Charlie Hebdo

a vo kavet e Wiki Commons.

• Je suis Charlie
• Cabu
• Charb
• Tignous
• Georges Wolinski

• Lec'hienn ofisiel