Smithsonite atawa zinc spar, adalah seng karbonat (ZnCO3), sabuting bijih mineral seng.
Dalam sajarahnya, smithsonite diidintifikasi lawan hemimorfit sebelum disadari bahwa kaduanya adalah mineral nang balain. Kadua mineral ngini baisi wujud nang mirip dan istilah kalamin sudah dipakai gasan manyambat kaduanya, nang pahabisannya maulah urang bingungan. Mineral nang balain ngitu dibari ngaran smithsonite pas tahun 1832 ulih François Sulpice Beudant gasan mahurmati kimiawan wan ahli mineral Inggris James Smithson (1765–1829), nang mandiriakan Smithsonian Institution wan nang panamabayan maidintifikasi mineral ngini pas tahun 1802.
Smithsonite adalah mineral trigonal lawan warna bamacam-macam nang jarang ditamui dalam bantuk karistal nang baik. Karakteristiknya adalah massa botrioida babau tanah. Inha baisi kakarasan Mohs 4,5 wan massa jenis 4,4 sampai 4,5.
Smithsonite mancungul sabagai mineral sakundir matan zona palapukan atawa oksidasi matan deposit bijih sabuk seng. Takadang inya timbul sabagai pangganti matan batuan karbonat wan lawan ngitu tadi, inya kawa baisi bijih seng dalam mineral. Timbulnya Mineral ngini biasanya bakaitan lawan hemimorfit, willemite, hydrozincite, cerussite, malasit, azurite, aurikalsit wan anglesit. Inya maulah dua deret larutan padat tabatas, lawan substitusi mangan nang mahasilkan rhodochrosite, wan lawan besi nang menghasilkan siderit.
This article uses material from the Wikipedia Bahasa Banjar article Smithsonite, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tersedia di bawah CC BY-SA 4.0 kecuali dinyatakan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bahasa Banjar (DUHOCTRUNGQUOC.VN) is an independent company and has no affiliation with Wiki Foundation.