Petah Arab adalah makanan nang diulah matan daging masak karih lawan galapung gandum, nang asalnya matan kampung Arab di Banjarmasin, Kalimantan Selatan.
Petah Arab marupakan makanan nang dipangaruhi lawan budaya makanan urang Arab sasuai ngarannya. Panyajian Petah Arab mahirip lawan dadar gulung, tagal balainan mulai bahan sampai ka cara maulahnya.
Nama lain | Wadai Lempeng Arab atawa Lempeng Kari |
---|---|
Jenis | Wadai basah |
Tempat asal | Indunisia |
Daerah | Tarkanal di Kalimantan Selatan dan Kalimantan Timur (dengan variasi) |
Masakan nasional terkait | Indunisia |
Dibuat oleh | Suku Banjar |
Suhu penyajian | Hangat duwa suhu ruang |
Bahan utama | Galapung gandum, intalu, panyadap rasa, daging kambing, bumbu karih |
Salaya ngaran Petah Arab, makanan ngini juwa disambat Petah Asia, Lempeng Arab atawa Lempeng Karih.
Bahan maulah petah Arab tadiri matan 2 bagian, yaitu bagian salimputnya nang mahirip lawan kulit lumpia, lempeng biasa atawa ruti gandum. Balah salimputnya ngini mamakai galapung gandum, galapung kanji, minyak sayur, bumbu panguat rasa, intalu lawan susu kantal manis.
Lamunnya bahan isiannya adalah kari daging kambing nang mamakai daging kambing (bisa aja mamakai daging ayam atawa sapi), katumbar, sahang, janar, tipakan, kaminting, bawang habang, bawang putih, bawang bumbay, gula, laus, sarai, daun salam, lombok ganal lawan cangkih.
This article uses material from the Wikipedia Bahasa Banjar article Petah Arab, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tersedia di bawah CC BY-SA 4.0 kecuali dinyatakan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bahasa Banjar (DUHOCTRUNGQUOC.VN) is an independent company and has no affiliation with Wiki Foundation.