Першыя выпрабаванні (іншыя назвы: «Насустрач буры», «На ростанях») — двухсерыйны гісторыка-рэвалюцыйны кінараман, зняты паводле трылогіі Якуба Коласа «На ростанях» на кінастудыі «Беларусьфільм» у 1960—1961 гадах рэжысёрам У. У. Корш-Сабліным.
Першыя выпрабаванні | |
---|---|
Жанр | гістарычны фільм |
Рэжысёр | |
Сцэнарыст | |
У галоўных ролях | |
Аператар | |
Кампазітар | |
Кінакампанія | Беларусьфільм |
Краіна | |
Мова | руская |
Год | 1961 |
IMDb | ID 0314500 |
Прэм’ера 1 серыі адбылося 28 ліпеня 1960 года, 2 серыя — 4 верасня 1961 года.
Дзеянне фільма прымеркавана да падзей рэвалюцыі 1905—1907 гадоў у Расійскай імперыі. У адрозненне ад арыгінальнага твора Якуба Коласа ў фільме ўведзены новыя героі, крыху зменена храналогія падзей, матывацыя ўчынкаў герояў, і, у цэлым, сюжэт. Малады інтэлігент Андрэй Лабановіч прыязджае настаўнічаць у беларускае палескае сяло Цельшына. Тут А. Лабановіч уступае ў фіктыўны шлюб з рэвалюцыянеркай Вольгай Андросавай. Шляхцянка Ядвіся, якую кахае Андрэй, згаджаецца чакаць ягонага разводу. На нелегальным з’ездзе настаўнікаў А. Лабановіча арыштоўваюць. Ядвіся хоча шчаслівага сямейнага жыцця без палітычных узрушэнняў і моліць Андрэя забыцца пра яго. Разам з Андрэем у турму адправілася Вольга Андросава. Да творчых удач здымачнай групы крытыкі адносяць выяўленчае рашэнне фільма: натурныя эпізоды беларускай прыроды, якія блізкія стылю коласаўскай прозы. Адзначана таксама яркая гульня А. Кістава (бацька Уладзімір) і Г. Глебава (дзяк Буцяноўскі).
This article uses material from the Wikipedia Беларуская article Першыя выпрабаванні, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.