Дзеці-Салдаты Ў Дэмакратычнай Рэспубліцы Конга
Падчас Першай і Другой кангалезскіх войн у Дэмакратычнай Рэспубліцы Конга, а таксама наступных канфліктаў (Ітурыйскі канфлікт, Канфлікт у Ківу, Паўстанне Камвіны Нсапу) баявыя фракцыі актыўна вербавалі дзяцей-салдат.
На 2003 год у «гарачай кропцы» ваявалі 30 000 непаўналетніх. Да 10 000 з гэтай колькасці змагаліся на баку прэзідэнта Ларана Кабілы.
Некаторыя з іх далучыліся да баявых фракцый не на добраахвотнай аснове. Часам баевікі выкрадалі дзяцей і прымушалі ваяваць на сваім баку.
Прыкметным стаў выпадак прыцягнення непаўналетніх удзельнікамі паўстання Камвіны Нсапу ў правінцыі Касаі. Справа ў тым, што значная частка мясцовых жыхароў перакананыя ў магічнай сіле дзяцей. Падобныя ўяўленні паспрыялі павялічэнню здольнасці дрэнна ўзброеных баевікоў паспяхова супрацьстаяць урадавай арміяй, так як вайскоўцы нацыянальнай арміі таксама вераць у прымхі.
Прыцягненне дзяцей-салдат пераследвалася як кангалезскім, так і міжнародным правасуддзем. Першым асуджаным стаў маёр Жан-П’ер Біёё, які 19 сакавіка 2006 года прысуджаны да пяці гадоў пазбаўлення волі. Праз некалькі гадоў Міжнародным крымінальным судом асуджаны камандзіры паўстанцаў Боска Нтаганда і Томас Лубанга.
У 2015 годзе выйшаў амерыканскі мастацкі фільм «Бязродныя звяры» рэжысёра Кэры Фукунага. У цэнтры карціны — кангалезскія дзеці-салдаты.
Заўвагі
Літаратура
- Singer, Peter Warren (2006). Children at War. University of California Press. ISBN 978-0520248762.
- Whiteman, Shelly L. (2012). "Child Combatants and Peace Processes Challenges of Inclusion and Exclusion". In Rosemary Sheehan; Helen Rhoades; Nicky Stanley (рэд-ры). Vulnerable Children and the Law: International Evidence for Improving Child Welfare, Child Protection and Children's Rights. Jessica Kingsley Publishers. pp. 75–124. ISBN 978-1849058681.
- Wessells, Michael G. (2007). Child Soldiers: From Violence to Protection. Harvard University Press. ISBN 978-0674023598.
- Chikuhwa, Tonderai W. (2009). "The Evolution of the United Nations Protection Agenda for Children". In Scott Gates; Simon Reich (рэд-ры). Child Soldiers in the Age of Fractured States. University of Pittsburgh Press. pp. 37–54. ISBN 978-0822960294.
This article uses material from the Wikipedia Беларуская article Дзеці-салдаты ў Дэмакратычнай Рэспубліцы Конга, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.