300-я партызанская брыгада імя К.
Я. Варашылава — партызанская брыгада, створаная ў сакавіку 1942 года. Дзейнічала на акупіраванай тэрыторыі Капыльскага, Уздзенскага, Дзяржынскага, Чырвонаслабодскага, Нясвіжскага раёнаў. 2 ліпеня 1944 года брыгада (1204 партызаны, 4 атрады) злучылася з Чырвонай Арміяй.
300-я партызанская брыгада імя К. Я. Варашылава | |
---|---|
Гады існавання | 1942—1944 |
Краіна | СССР Беларуская ССР |
Падпарадкаванне | Беларускі штаб партызанскага руху |
Уваходзіць у | Мінскае партызанскае злучэнне |
Тып | партызаны |
Функцыя | змаганне з акупантамі |
Колькасць | 1204 партызаны (2.4.1944) |
Дыслакацыя | Капыльскі, Уздзенскі, Дзяржынскі, Чырвонаслабодскі, Нясвіжскі раёны |
Войны | Другая сусветная вайна Вялікая Айчынная вайна |
Удзел у | |
Камандзіры | |
Вядомыя камандзіры | В. Р. Яроменка |
Брыгада была арганізавана на базе атрадаў імя Катоўскага (арганізаваны ў сакавіку 1942 года на базе групы В. Р. Яроменкі, якая дзейнічала з верасня 1941 года), «Баявы» (пазней партызанскі атрад «Баявы» імя Дунаева), імя Пархоменкі, вылучаных партызанскай брыгадай імя К. Я. Варашылава. У жніўні 1943 атрады «Баявы» і імя Аляксандра Неўскага перададзены ў Беластоцкае партызанскае злучэнне; на базе атрадаў «25 гадоў Кастрычніка» і імя Фурманава створана 200-я партызанская брыгада імя К. К. Ракасоўскага. У верасні 1943 года быў вылучаны атрад імя Пархоменкі, у маі 1944 на яго базе была створана 32-я партызанская брыгада імя М. І. Калініна.
На момант злучэння з Чырвонай Арміяй у склад брыгады ўваходзілі:
Партызаны ў жніўні 1943 года ўдзельнічалі ў «рэйкавай вайне» (перагон Коласава — Негарэлае); 20 чэрвеня 1944 года на ўчастку Баранавічы — Цімкавічы падарвалі больш за 400 рэек. У лютым 1943 вялі баі з карнікамі, прарвалі блакаду і выйшлі ў паўночна-ўсходнія раёны Пінскай вобласці, потым у Капыльскі раён, дзе 12 красавіка 1943 года правялі баі каля вёсак Заракаўцы і Савічы і выйшлі ў Уздзенскі раён. 14 снежня 1943 года разам з брыгадамі 27-й імя Чапаева і 200-й імя Ракасоўскага на шашы Мінск — Слуцк каля вёскі Валяр’яны знішчылі нямецкую аўтакалону: разбілі 20 грузавых, 1 легкавую аўтамашыны, падбілі бранявік, 3 гарматы. У баі немцы страцілі каля 170 салдат. 28 чэрвеня 1944 года занялі гарадскі пасёлак Узда і ўтрымлівалі яго да падыходу Чырвонай Арміі.
This article uses material from the Wikipedia Беларуская article 300-я партызанская брыгада імя К. Я. Варашылава, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.