125-я Капаткевіцкая партызанская брыгада — партызанская брыгада, створаная ў студзені 1943 года.
Дзейнічала на акупаванай тэрыторыі Капаткевіцкага і Петрыкаўскага раёнаў. 29 чэрвеня 1944 года брыгада (372 партызаны, тры атрады) злучылася з Чырвонай Арміяй.
125-я Капаткевіцкая партызанская брыгада | |
---|---|
Гады існавання | 1943—1944 |
Краіна | СССР Беларуская ССР |
Падпарадкаванне | Беларускі штаб партызанскага руху |
Уваходзіць у | Палескае партызанскае злучэнне |
Тып | партызаны |
Функцыя | змаганне з акупантамі |
Колькасць | 372 партызаны (29.6.1944) |
Дыслакацыя | Капаткевіцкі і Петрыкаўскі раёны |
Войны | Другая сусветная вайна Вялікая Айчынная вайна |
Удзел у | |
Камандзіры | |
Вядомыя камандзіры |
|
Партызаны праводзілі аперацыі на чыгуначным участку Лунінец — Гомель, на шашэйных і грунтавых дарогах. У жніўні 1943 года падарвалі больш за 1,7 тыс. рэек, у ноч на 24 чэрвеня 1944 года на ўчастку Старушкі — Бабруйск, больш за 270 рэек, у сакавіку — чэрвені 1943 года, красавіку 1944 года вялі баі супраць карнікаў і па ліквідацыі нямецкіх гарнізонаў, у тым ліку ў вёсцы Муляраўка Петрыкаўскага раёна. У красавіку — чэрвені 1944 года дзейнічалі ў прыфрантавой паласе нямецкіх войск, здабывалі і перадавалі Чырвонай Арміі звесткі разведкі. Камандзіру 78-га дыверсійнага атрада Р. А. Такуеву і камандзіру дыверсійнай групы Ф. А. Малышаву было прысвоена званне Героя Савецкага Саюза.
Брыгада была створана на базе атрадаў Капаткевіцкага, «Балотнікава» (І. Н. Глушко), М. Ф. Бабкова, Р. І. Краўца, А. Р. Волкава (з верасня 1943 года — 39-ы атрад), 2-га Капаткевіцкага.
У сакавіку 1943 года атрад Краўца быў перададзены 210-й Капаткевіцкай партызанскай брыгадзе. У чэрвені 2-і Капаткевіцкі атрад быў вылучаны ў самастойны і вызначаны як штабны. У ліпені 1943 года з брыгады былі вылучаны атрады «Балотнікава» і Бабкова і на іх базе створана 130-я Петрыкаўская партызанская брыгада. У верасні 1943 года ў складзе брыгады створаны 55-ы атрад, які 22 лютага 1944 года (55 партызан) злучыўся з Чырвонай Арміяй. У снежні 1943 года на базе 17-га, 27-га і 39-га атрадаў была створана 150-я партызанская брыгада імя Ф. М. Языковіча.
29 чэрвеня 1944 года брыгада ў складзе 45-га атрада імя Маставога, 78-га дыверсійнага і 25-га атрадаў злучылася з Чырвонай Арміяй.
У 1975 годзе ў гарадскім пасёлку Капаткевічы і вёсцы Новыя Галоўчыцы Петрыкаўскага раёна ў гонар брыгады былі ўстаноўлены мемарыяльныя дошкі.
This article uses material from the Wikipedia Беларуская article 125-я Капаткевіцкая партызанская брыгада, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.