Хальк-Эль-Уэд
Хальк-эль-Уэд, таксама Ла-Гулет — порт туніскай сталіцы на Міжземным моры, злучаны з ёй 11-кіламетровым каналам і чыгуначнай лініяй.
Стаіць на пясчанай касе, якая адлучае Туніскай заліў ад Туніскага возера. Праз Хальк-эль-Уэд праходзіць значны працэнт туніскага экспарту і імпарту.
Хальк-эль-Уэд быў закладзены ў 1535 імператарам Карлам V як іспанская цытадэль на паўночным узбярэжжы Афрыкі. Хальк-эль-Уэд і прылеглая да яго тэрыторыя кіраваліся Іспаніяй у 1535—1574 гадах. У 1574 годзе захоплены асманамі на чале з Улуджам Алі.
У 1881 годзе, як і ўвесь Туніс, Хальк-эль-Уэд увайшоў у склад французскай каланіяльнай імперыі — нягледзячы на пратэсты Італіі, якая мела ў Тунісе свае каланіяльныя інтарэсы. Пры французах (1881—1956) у Хальк-эль-Уэдзе пасялілася шмат еўрапейцаў; тут нарадзілася актрыса Клаўдзія Кардынале. Пасля атрымання незалежнасці практычна ўсё еўрапейскае насельніцтва эмігравала ў Італію і Францыю.
This article uses material from the Wikipedia Беларуская article Хальк-эль-Уэд, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.